മിനി ചിത്രശാല 'photos'

ചെത്തിപഴം

2012-02-10T10:45:00.000+05:30

‘ഇറ്റിറ്റു വീഴുന്ന ചോരത്തുള്ളികൾ‌പോൽ

എത്തിനോക്കീടുന്നു ചെത്തിപഴങ്ങൾ’

‌-- കുമാരനാശാൻ

കമ്മ്യൂണിസ്റ്റ് പച്ച... Chromolaena odoratum

2012-02-04T07:01:00.001+05:30

Name : Chromolaena odoratum
Family : Asteraceae
ഒരു കാലത്ത് കേരളം മുഴുവൻ കളകളാരവം മുഴക്കിയ Eupatorium odoratum എന്ന പേരിൽ അറിയപ്പെട്ട നമ്മുടെ കമ്മ്യൂണിസ്റ്റ് പച്ച ഇപ്പോൾ പുത്തൻ പേരുമായി വന്നിരിക്കയാണ്. ഈ കളസസ്യത്തിന്റെ സ്ഥാനത്ത് മറ്റ് ഭീകര സസ്യങ്ങൾ കടന്നുവന്നപ്പോൾ, കണ്ണെത്താത്ത ഇടങ്ങളിൽ വളർന്ന് പൂക്കളുമായി തലയുയർത്തിയിരിക്കയാണ്.

29.7.2009 ന് കമ്മ്യൂണിസ്റ്റ് പച്ചയുടെ ഒരു ശാഖമാത്രം ചിത്രശാലയിൽ പോസ്റ്റ് ചെയ്തതാണ്.
1970 ന് ശേഷം കേരളത്തില്‍ പടര്‍ന്നു പിടിച്ച ഈ ചെടിയുടെ ഇല പിഴിഞ്ഞ് ഞങ്ങള്‍ മുറിവിന് പുരട്ടാറുണ്ട്. 2009 ൽ ചിക്കൻ‌ഗുനിയയിയില്‍ കുളിച്ച കേരളീയര്‍‌ കുളിക്കാന്‍ വെള്ളം തിളപ്പിക്കുമ്പോള്‍ ‘ഔഷധഗുണം അറിയില്ലെങ്കിലും’ ഇതിന്റെ ഇല കൂടി ചേര്‍‌ക്കുമായിരുന്നു. കിലോയ്ക്ക് 40 രൂപവരെ കൊടുത്ത് മളയാളികൾ ഈ ചെടിയുടെ ഇല മാർക്കറ്റിൽ നിന്ന് വാങ്ങിയിട്ടുണ്ട്. മുൻപ് ചിത്രം പോസ്റ്റ് ചെയ്തപ്പോൾ കമ്മ്യൂണിസ്റ്റ് പച്ചയെക്കുറിച്ച് ധാരാളം അറിവുകൾ കമന്റായി വന്നിരുന്നു. അതുകൂടി ചേർത്താൽ മാത്രമേ ഈ പോസ്റ്റ് പൂർണ്ണമാവുള്ളു.

ViswaPrabha | വിശ്വപ്രഭ August 04, 2009 1:43 AM എഴുതിയ കമന്റ്...
ഈ ഭീകരസസ്യത്തെക്കുറിച്ചു് കൂടുതൽ പറയാനുണ്ടു്: Eupatorium odoratum എന്നതു് ഈ ചെടിയുടെ പഴയ പേരാണു്. സൂര്യകാന്തിച്ചെടിയോടു് കൂടുതൽ അടുപ്പമുള്ള ഇതിന്റെ പേരു് പിന്നീടു് Chromolaena odoratum എന്നു മാറ്റുകയുണ്ടായി. കേരളത്തിൽ കമ്യൂണിസ്റ്റ് പച്ച എന്നും ഐക്യമുന്നണിപ്പച്ച എന്നും ഐമുപ്പച്ച എന്നും അറിയപ്പെടുന്ന ഈ ചെടി ഒരു അലങ്കാരച്ചെടി എന്ന രൂപത്തിൽ കരീബിയൻ ദ്വീപുകളിൽനിന്നും 1840ൽ കൽക്കത്താ ബൊട്ടാണിക്കൽ ഗാർഡനിലെത്തി. പിൽക്കാലത്ത് കിഴക്കേ ഇന്ത്യയിലും കപ്പലുകൾ വഴി വിദൂരപൂർവ്വദേശങ്ങളിലും ഇന്ത്യൻ മഹാസമുദ്രത്തിന്റെ നാലുപാടുമുള്ള ഉഷ്ണമേഖലാരാജ്യങ്ങളിലെമ്പാടും അതിഭീഷണമായി പടർന്നുകയറി. ലോകത്തിലെ ഏറ്റവും ഉപദ്രവകാരികളായ മൂന്നു കളകളിൽ ഒന്നു് എന്ന സ്ഥാനമാണു് അമേരിക്ക (USDA) ഈ ചെടിക്ക് നൽകിയിരിക്കുന്നതു്. പല ദേശങ്ങളിലും പലപേരുകളിൽ അറിയപ്പെടുന്നു: ഗാന്ധി ഗുലാബി (ആസ്സാം), സയാം വീഡ് (ഇന്തോനേഷ്യ), കർപ്പൂരപ്പുല്ല് (ബർമ്മ), കമ്യൂണിസ്റ്റ് കള (വിയറ്റ്നാം) എന്നിങ്ങനെയൊക്കെ. കേരളത്തിൽ 1950കളിലാണു് കമ്യൂണിസ്റ്റുകളും അതേ സമയത്തുതന്നെ ഈ ചെടിയും പ്രചാരത്തിൽ വന്നതു്. പെട്ടെന്നു് എല്ലായിടത്തും വളർന്നുപടരാൻ ഈ ചെടിയ്ക്കുള്ള അസാമാന്യ കഴിവുകൊണ്ടാണത്രേ ഈ പേരു വന്നതു്. കേരളത്തിലെ പ്രഥമ കമ്യൂണിസ്റ്റ് സർക്കാർ(1957)നുശേഷമാണു് പേരു് പ്രചുരപ്രചാരത്തിലെത്തിയതു്. (വിയറ്റ്നാമിലടക്കം!). കേരളത്തിൽ കമ്യൂണിസ്റ്റ് പച്ച വേലികെട്ടാനും തോൽ‌വളമായും അപൂർവ്വമായി അടുപ്പിൽ തീ കത്തിക്കാനും ഉപയോഗിച്ചിരുന്നു. എങ്കിലും 1980കളോടെ കമ്യൂണിസ്റ്റ് പച്ചയുടെ പ്രഭാവം ഇവിടെ ഗണ്യമായി കുറഞ്ഞു. കഴിഞ്ഞ ഇരുപതുവർഷങ്ങളിൽ ഈസ്റ്റ് തിമൂറിൽ ഇവ വ്യാപകമായി വളർന്നുപടരാൻ തുടങ്ങി. ഇന്നു് കിഴക്കൻ തിമൂ പപ്പുവാ ന്യൂഗിനിയയിലേയും മറ്റും പ്രാദേശികവിളകൾക്കു് ഏറ്റവും വലിയ ഭീകരതയായി മാറിയിരിക്കുന്നു ക്രോമോലേന. അതിവേഗം കിഴക്കോട്ടു് പടർന്നുകൊണ്ടിരിക്കുന്ന ഈ ചെടിയുടെ ആക്രമണത്തിനെതിരേ ആസ്ത്രേലിയ ഇപ്പോൾ തന്നെ ശക്തമായ മുൻ‌കരുതലുകൾ എടുത്തുതുടങ്ങിയിട്ടുണ്ടു്.
ചാൾസ് ഡാർവിൻ യൂണിവേഴ്സിറ്റിയുടെ ഈ സൈറ്റിൽ ഇതിനെക്കുറിച്ച് ഒരു വീഡിയോ കാണാം. From: http://www.ehs.cdu.edu.au/chromolaena/proceedings/first/1asia.htm#anchor405296 Chromolaena odorata is a neotropical weed that was introduced to Asia in mid or late 1800s. Biswas (1934) reported that C. odorata was accidentally introduced from the West Indies in the ballast of cargo boats into Singapore whence it spread to humid tropical regions of Southeast and South Asia. Ramachandra Rao (1920) reported rapid spread of this weed in Burma and Assam and Bengal in India. Possibly, it has spread to Bunna and India through Malaysia and parts of Thailand. Since then, it has spread to Indonesia, Philippines, Laos, Cambodia, Vietnam, China, Sri Lanka, Nepal, Bhutan and Bangladesh. It was introduced to Southwestern part of India from Eastern India during the Second World War, supposedly through the contaminated clothings from the retuming soldiers (Bennett and Rao, 1968). In 1980 C. odorata has become a problem in the island of Rota in the Marianas archipelago. In 1984-85, the weed has been identified as a menace in other islands of the Marianas namely, Saipan, Tinian, Aguijan and Guam. Now, it has spread to Yap, Palau, and Pohnpei in the Caroline Islands. The distribution of C. odorata is limited to warm and humid tropical regions. The existence of strong and universal correlations between the distribution of vegetation and two major features of climate: namely temperature and precipitation has been emphasized by Woodward and Williams (1987). Climatograph shown in Figure 1 clearly distinguishes four major climates based on temperature and precipitation (Brower and Zar, 1977). The hydrological budget, i.e., the overall sum of precipitation minus evaporation (from leaf and soil surfaces) and run-off, a measure of water that is available to the plants and the thermal climate collectively influence the plant distribution. Annual minimum temperature may effectively limit plant distribution and perhaps vegetation type, by exceeding the lethal threshold for survival (Woodward, 1986). (Cross words for search engines: Eupolin, Cromolaena, Biological weed control,Noxiuos Plants, Pareuchaetes pseudoinsulata, Gall Moth, Gall Fly, USDA)

വിശ്വപ്രഭ വീണ്ടും എഴുതുന്നു:
ക്രോമോലേനാ ഒഡോറാറ്റയ്ക്കു് ഭീഷണമായ രീതിയിൽ വളർന്നുപിടിക്കാൻ സഹായകമാവുന്നതു് അതിന്റെ അതിശക്തമായ കീടപ്രതിരോധകകഴിവുകളാണു്.

ഇന്തോനേഷ്യ, മലേഷ്യ എന്നിവിടങ്ങളിലെ സാധാരണക്കാർക്കിടയിൽ മുറിവുകൾക്കു് ആന്റിസെപ്റ്റിൿ ആയി ഇതിന്റെ നീരു് വ്യാപകമായി ഉപയോഗിക്കുന്നുണ്ടു്.
കമ്യൂ ണിസ്റ്റ് പച്ചയുടെ ഇലനീരിൽനിന്നും എടുക്കുന്ന സത്താണു് Eupolin. ഹെർബൽ മെഡിസിൻ എന്ന നിലയിൽ വിയറ്റ്നാമിൽ ഇതു് ഓയിന്റ്മെന്റ് രൂപത്തിൽ ലഭ്യമാണു്.
(DOI: 10.1046/j.1524-475X.2001.00305.x)

ഈ ചെടിയുടെ ഔഷധഗുണത്തെക്കുറിച്ച് പല ഗവേഷണപ്രബന്ധങ്ങളും ഉണ്ടായിട്ടുണ്ടു്. ഉദാ: യൂറോപ്യൻ ജെർണ്ണൽ ഓഫ് ഡെർമറ്റോളജി, .

ചെടിയുടെ ഗുണങ്ങൾ പറഞ്ഞപ്പോൾ രൂപവിവരണം വിട്ടുപോയി. അത് ചിത്രത്തിൽ തന്നെ കാണാമല്ലൊ. വളരെ ചെറിയ പൂക്കൾ കുലകളായി കാണപ്പെടുന്നു. വേനലിൽ ഉണങ്ങിയ വിത്തുകൾ പുതുമഴക്ക് ശേഷം വീണ്ടും ഉണങ്ങിയാൽ കാറ്റത്ത് പറന്ന് ദൂരെസ്ഥലങ്ങളിൽ എത്തിയിട്ട് മുളച്ച് വളരുന്നു.

കമ്മ്യൂണിസ്റ്റ് പച്ചയുടെ പഴയ പോസ്റ്റ് കാണാൻ തുറക്കുക: ഇവിടെ

ആവണക്ക്... Recinus communis

2012-01-31T23:41:00.000+05:30

Name : Recinus communis
Family : Euphorbiaceae
ആവണക്ക് വ്യാവസായികമായി കൃഷി ചെയ്യുന്നതു കൂടാതെ പാഴ്‌നിലങ്ങളിൽ കൂട്ടമായി വളരുന്നുണ്ട്. പട്ടണങ്ങളിലെ വഴിയോരങ്ങളിൽ ആവണക്ക് ചെടി പലപ്പോഴും കാണപ്പെടും. ഏതാണ്ട് നാല് മീറ്റർ വരെ ഉയരത്തിൽ വളരുന്ന ഈ ചെടികളിൽ വെള്ള, നീല, ചുവപ്പ് എന്നീ ഇനങ്ങളുണ്ട്.

നല്ല പച്ചനിറത്തിൽ വലിപ്പം കൂടിയ ഇലകളാണ്. പൂങ്കുലകൾ ശാഖാഗ്രങ്ങളിൽ കാണപ്പെടുന്നു.

പൂങ്കുലയിൽ ആൺ‌പൂക്കളും പെൺ‌പൂക്കളും വേറെ വേറെ ആയി കാണാം. പരാഗണം കഴിഞ്ഞാൽ പെൺ‌പൂക്കളിൽ വിത്ത് ഉണ്ടാവുന്നു.

ആവണക്കിന്റെ ഉണങ്ങിയ വിത്തിൽ നിന്നാണ് ആവണക്കെണ്ണ നിർമ്മിക്കുന്നത്. ആവണക്കെണ്ണ വിരേചനം ഉണ്ടാക്കുന്നു. വാതം, ശരീരവേദന, എന്നിവ ഒഴിവാക്കാൻ ആവണക്കെണ്ണ സഹായിക്കുന്നു. ദഹനേന്ദ്രീയം ഗർഭാശയം മൂത്രാശയം എന്നീ അവയവങ്ങൾ ശുദ്ധീകരിക്കാൻ ആവണക്കെണ്ണക്ക് കഴിയും. നീരും സന്ധിവേദനയും ഉള്ള ഭാഗത്ത് ആവണക്കില ചൂടാക്കി വെച്ച്‌കെട്ടുന്നത് സുഖം പ്രാപിക്കാൻ സഹായിക്കും. തളിരില നെയ്യിൽ വറുത്ത് തിന്നാൽ നിശാന്ധത ഒഴിവാക്കാം. ആവണക്കിന്റെ വേര് കഷായം‌വെച്ച് ചൂടുപാലൊഴിച്ച് കുടിച്ചാൽ വയറുവേദന ശമിക്കും.

നമുക്ക് തുടങ്ങാം

2012-01-27T09:26:00.000+05:30

Let us start

മണ്ണിൽനിന്നും മൺ‌പാത്രം

2012-01-08T07:09:00.001+05:30

വെള്ളം‌ചേർത്ത് കുഴച്ച കളിമണ്ണ് ഉരുട്ടിയെടുത്ത് കറങ്ങുന്ന ചക്രത്തിനുമുകളിൽ വെക്കുക

ആരാ വിളിച്ചത്?

പാത്രം രൂപപ്പെട്ട് വരുമ്പോൾ വെള്ളം‌തൊട്ട് തടവി ഉരുട്ടി വട്ടത്തിലാക്കുക

ഇപ്പോൾ പാത്രത്തിന്റെ രൂപം തയ്യാറായി

വക്കുകൾ തടവി മിനുക്കുക

ഇപ്പോൾ എടുത്തുമാറ്റാൻ പാകമായി

ഇതാണ് മൺപാത്രം, എല്ലാവരും കണ്ടില്ലെ?

പാത്രം വേണോ? മൺപാത്രം

പുതുവർഷ ആശംസകളുമായി Gerbera Flowers

2011-12-31T23:50:00.001+05:30

January

February

March

April

May

June

July

August

September

October

November

December

കൃസ്തുമസ് ആശംസകൾ

2011-12-24T22:49:00.001+05:30

ഐശ്വര്യവും സ്നേഹവും നന്മയും നിറഞ്ഞ കൃസ്തുമസ് ആശംസകൾ

സ്പൈഡർ‌മാൻ

2011-12-20T07:00:00.001+05:30

ഇരിക്കാനൊരു ഇടം‌തേടി അലയുകയാണിപ്പോഴും

തലക്കു മുകളിൽ

2011-12-15T08:04:00.000+05:30

തലക്കു മുകളിൽ മിസൈലുകൾ

ബാലന്റെ വേലകൾ

2011-12-11T06:33:00.001+05:30

ബാലനെ കണ്ടപ്പോൾ വേല മറന്നുപോയ ബാലൻ

വാഴക്കുലയിലെ അപൂർവ്വദൃശ്യം

2011-12-02T22:54:00.000+05:30

ഒന്നായ നിന്നെയിഹ മൂന്നായികണ്ടപ്പോൾ,

ഉണ്ടായൊരിണ്ടൽ മമ ക്യാമറയിൽ പകർത്താൻ,

കൊതിച്ചു ഞാൻ,,,

ഇതാണ് സംഭവം

നേരെ ചുവട്ടിൽ പോയി നോക്കിയപ്പോൾ ഒരു വാഴക്കുലയിൽ മൂന്ന് വാഴക്കൂമ്പ് നിരന്ന് തൂങ്ങിക്കിടക്കുകയാണ്.

ഒരു വാഴയിൽ ഒരു കുല, എന്നാൽ വാഴക്കൂമ്പ് മൂന്നെണ്ണം, മൂന്നും സാധാരണപോലെ ഒരേ വലിപ്പമുള്ളത്.

മുറ്റത്തൊരു വാഴ വീടിന്റെയും വീട്ടുകാരുടെയും ഐശ്യര്യമാണ്. അങ്ങനെ നട്ട ‘കർപൂരവള്ളി’ വാഴ കുലച്ച് കായവിരിഞ്ഞ് ഏതാനും‌നാൾ കഴിഞ്ഞപ്പോഴാണ് അപൂർവ്വസംഭവം കാണപ്പെട്ടത്,,, വാഴക്കൂമ്പ് ഒന്ന് ശ്രദ്ധിച്ച് നോക്കിയാട്ടെ,,,

വംശഹത്യയുടെ ബാക്കിപത്രം

2011-11-26T16:04:00.000+05:30

വീടിനു സമീപമുള്ള മരത്തിന്റെ ഉയരമുള്ള ശാഖയിൽ കടന്നലുകൾ കോളനി സ്ഥാപിച്ച് താമസം തുടങ്ങിയത് ആദ്യമായി കണ്ടത് തേങ്ങ പറിക്കാൻ വന്ന രാജീവനാണ്. അത്‌കേട്ട് മേലോട്ട് നോക്കിയപ്പോൾ പച്ചിലകൾക്കിടയിൽ കൂടിന്റെ വെള്ളനിറം കാണാനായി. വണ്ടിന്റെ രൂപമുള്ള മിസൈലുകൾ‌ ആകാശത്തുകൂടി പറന്നുവന്ന് കൂട്ടിനകത്ത് കടക്കുന്നതും വെളിയിലേക്ക് പോവുകയും ചെയ്യുന്നത് കടന്നലുകളാണെന്ന് രാജീവൻ ഉറപ്പിച്ചുപറഞ്ഞു. അതോടെ പരിസരവാസികൾക്കെല്ലാം ഭയമാവാൻ തുടങ്ങി, കാരണം കടന്നൽ‌കുത്തേറ്റ് മരണമടഞ്ഞതും ആശുപത്രിയിലായതുമായ വാർത്തകൾ പത്രത്തിൽ നിത്യേനയെന്നോണം കാണാറുണ്ട്.

കടന്നൽ കോളനി ഒറ്റയടിക്ക് നശിപ്പിക്കാനുള്ള മാർഗങ്ങൾ യുവാക്കളൊഴികെയുള്ള നാട്ടുകാർ ചിന്തിക്കാൻ തുടങ്ങി. (എന്റെ നാട്ടിലെ യുവാക്കൾക്ക് അതൊന്നും ചിന്തിക്കാനുള്ള നേരമില്ല, നേരമുള്ളപ്പോൾ ബോധമില്ല)

കടന്നൽ വന്യജീവിയല്ലെ? എനിക്കൊരു സംശയം; നേരെ ഫോൺ കറക്കി,,, ബോൺസായിയുടെ ഉടമ, ബ്ലോഗർ ചോപ്രയെ,,, ഏത് വന്യജീവിയെക്കണ്ടാലും വിളിക്കണം എന്ന് പറഞ്ഞ് നമ്മുടെ ചോപ്രാജി ഫോൺ‌നമ്പർ തന്നതാണ്. അങ്ങനെ വിളിച്ചപ്പോൾ ചോപ്രാജി പറയുന്നു, ‘കടന്നൽ വന്യജീവിയല്ല, അതിനെ കൊല്ലുന്ന കാര്യം കൂടുതൽ അറിയാൻ ഹെഡ്‌ഓഫീസിലേക്ക് വിളിക്കാൻ’.

അടുത്ത കോൾ ഹെഡ്‌ഓഫീസിലേക്ക്,,, അതാ വരുന്നു മറുപടി, ‘ഇതൊന്നും നമ്മുടെ കാര്യമല്ല, നിങ്ങളുടെ ഇഷ്ടം പോലെ പിടിച്ച്‌കൊല്ലുകയോ തീവെച്ച്‌കൊല്ലുകയോ ചെയ്‌തോളൂ,, നമ്മൾ കൊഴപ്പത്തിനും കേസിനുമൊന്നും വരില്ല’.

അങ്ങനെ ആ രാത്രി വന്നു,,, ഇരുട്ടുള്ള ആ രാത്രി. നിർത്തിയിട്ട വാഹനത്തിൽ നിന്നും പെട്രോൾ ഊറ്റിയെടുത്തത് അതിൽ മുക്കിയ തെങ്ങോലകൾ വലിയ മുളയുടെ അറ്റത്ത് കെട്ടി. ആ കെട്ടിന്റെ തുടർച്ചയായ കയർ പെട്രോളിൽ കുതിർത്ത് മുളയുടെ താഴെയറ്റം വരെ എത്തിച്ചു.

നമ്മുടെ കടന്നൽ കോളനിയിലെ റാണിയും രാജാവും തൊഴിലാളികളും പട്ടാളക്കാരു സുഖമായി ഉറങ്ങുന്ന ആ രാത്രി അത് സംഭവിച്ചു. ഏതാനും മനുഷ്യന്മാർ ചേർന്ന് മുള ഉയർത്തിയപ്പോൾ താഴ്ന്ന് കിടക്കുന്ന കയറിന്റെ അറ്റത്ത് തീക്കൊളുത്തി. തീ കയറിലൂടെ മേലോട്ടുയർന്ന് പെട്രോൾ മുക്കിയ ഓല ജ്വലിച്ച് കത്തി,,,

കടന്നൽ കോളനി പൂർണ്ണമായി കത്തിനശിച്ചു. പൾപ് കൊണ്ട് നിർമ്മിച്ച കൂടിന്റെ അവശിഷ്ടം ഏതാനും ദിവസത്തിനുശേഷം മരത്തിൽ‌നിന്നും താഴെ വീണപ്പോൾ ഫോട്ടോ എടുക്കാൻ കഴിഞ്ഞു.

തട്ടു തട്ടുകളായി നിർമ്മിച്ച ഈ കൂട്ടിൽ ഒരിക്കൽ അനേകം കടന്നലുകൾ താമസിച്ചിരുന്നു.

ശില്പചാരുത കലർത്തി പടുത്തുയർത്തിയ കടന്നൽ‌കൂടിന്റെ ഓരോ അറയിലും ഒരുകാലത്ത് ജീവചൈതന്യം തുളുമ്പിയിരുന്നു.

കയ്യോന്നി...Eclipta alba

2011-11-18T07:33:00.002+05:30

Family : Astraceae

Name : Eclipta alba
ദശപുഷ്പങ്ങളിൽ ഒന്നായ കയ്യോന്നിയെ, ‘കഞ്ഞണ്ണി’ എന്നും വിളിക്കുന്നു. കൃഷി ഉപേക്ഷിച്ച വയലുകളിലും വയൽ‌വരമ്പുകളിലും പാഴ്‌നിലങ്ങളിലുമായി, ഈർപ്പമുള്ളയിടങ്ങളിൽ മറ്റ് സസ്യങ്ങളോടൊപ്പം അരമീറ്റർവരെ വളരുന്ന ഏകവർഷ സസ്യമാണിത്. ചുവപ്പ് നിറം കലർന്ന ശാഖകൾക്ക് ഉറപ്പ് കുറവാണ്. വെള്ള നിറമുള്ള പൂക്കൾ ഒന്നിച്ച്‌ചേർന്ന പൂങ്കുലകൾ ഇലയുടെ കക്ഷങ്ങളിൽ കാണാം.

കയ്യോന്നിയുടെ വിത്ത്
ആയുർ‌വേദ ഔഷധങ്ങളുടെ പ്രധാന ചേരുവയായ കയ്യോന്നി, കഫവാത രോഗങ്ങൾ ശമിപ്പിക്കുന്നു. മുടിയുടെ വളർച്ചയെ സഹായിക്കുന്നു. കരളിന്റെ പ്രവർത്തനം ത്വരിതപ്പെടുത്തുകയും കാഴ്ചശക്തി വർദ്ധിപ്പിക്കുകയും ചെയ്യുന്നു. ശരീരത്തിലെ വ്രണങ്ങളെ സുഖപ്പെടുത്തുന്നു. കയ്യോന്നിയുടെ ഇലയിൽ ‘Ecliptin’ എന്ന ആൽക്കലോയിഡ് അടങ്ങിയിട്ടുണ്ട്.

കയ്യോന്നി സമൂലം അരച്ചുപിഴിഞ്ഞ് 5ml വീതം മൂന്നുനേരം(രാവിലെയും ഉച്ചക്കും വൈകിട്ടും) കഴിച്ചാൽ കരൾ, പാൻ‌ക്രിയാസ്, എന്നിവയുടെ വീക്കം ശമിക്കും; ദഹനം വർദ്ധിക്കും, മഞ്ഞപ്പിത്തം നിശാന്ധത എന്നീ രോഗങ്ങൾ മാറും.

മുടി വളരാനുള്ള ഔഷധങ്ങളിലെ പ്രാധാന ഘടകമാണ് കയ്യോന്നി അരച്ചു പിഴിഞ്ഞ സത്ത്. കയ്യോന്നി അരച്ചത് എള്ളെണ്ണയിലിട്ട് കാച്ചി അരിച്ചെടുത്ത് പതിവായി തലയിൽ പുരട്ടിയാൽ, മുടികൊഴിച്ചിൽ മാറിയിട്ട് കറുത്തമുടി നന്നായി വളരും.

ശിശുക്കൾക്കായി ഒരു ദിവസം

2011-11-14T06:58:00.001+05:30

ഇന്ന് ശിശുദിനമാണെന്ന് പറയുന്നു, എന്റെ അമ്മയെവിടെ?

ശിശുദിനമായാലും എനിക്ക് തിന്നാനെന്തെങ്കിലും കിട്ടിയാൽ മതി

ഞങ്ങളെ വിളിക്കാതെ എല്ലാവരും ശിശുദിനം ആഘോഷിക്കാൻ പോയിരിക്കയാ

അമ്മച്ചി വന്നേ,, ഇനി നമുക്ക് ശിശുദിനം ആഘോഷിക്കാം

ഇന്ന് നമ്മുടെ ദിവസം, ഒന്നെഴുന്നേറ്റ് വാ,, കളിക്കാൻ പോകാം

ശിശുക്കൾ വളരട്ടെ, എല്ലാവർക്കും ശിശുദിനാശംസകൾ

ജീവിതസായാഹ്നത്തിൽ ഒരു ഗാനം

2011-11-10T14:35:00.000+05:30

പാടുന്നവരും കേൾക്കുന്നവരും

ചെത്തുകാരൻ

2011-10-30T07:30:00.001+05:30

‘പാഞ്ഞങ്ങ് കേരി, രണ്ടങ്ങ് കൊടുത്ത്, മൂക്കങ്ങ് ചെത്തി, മരുന്നങ്ങ് തേച്ച്, തൊപ്പിയാട ഇട്ട്, ഞാനിങ്ങ് കീഞ്ഞി,,,’

ഇനി അടുത്ത തെങ്ങിലേക്ക്,,,

വെള്ളില,,, Mussaenda

2011-10-25T07:29:00.000+05:30

Name : Mussaenda frondosa

Family : Rubiaceae

പശ്ചിമഘട്ട മലനിരകളിലും കേരളത്തിൽ എല്ലായിടത്തും വന്യമായി കാണപ്പെടുന്നു. വെള്ളിലയുടെ പുത്തൻ ഇനങ്ങൾ വികസിപ്പിച്ചത്, ‘മുസേണ്ട’ എന്ന പേരിൽ പൂന്തോട്ടങ്ങളിൽ നട്ടു വളർത്തുന്നു.

വെള്ളില എന്നും വെളിയില എന്നും വെളിയിലതാളി എന്നും മലയാളികൾ പറയുന്ന സസ്യം. ശാഖകൾക്ക് ബലം കുറവായതിനാൽ മറ്റു സസ്യങ്ങളുടെ താങ്ങ് കിട്ടിയാൽ ആറ് മീറ്റർ വരെ ഉയർന്ന് വളരുന്നതായി കാണാം. മലയാളികൾ പണ്ട്കാലം മുതൽ മുടി കഴുകുമ്പോൾ വെള്ളിലയുടെ ഇരുണ്ട പച്ചനിറമുള്ള ഇലകൾ ഇടിച്ചുപിഴിഞ്ഞ് ‘താളി’ ആയി ഉപയോഗിക്കാറുണ്ട്. മുടിയിലെ താരൻ അകറ്റാനും വ്രണങ്ങൾ മാറ്റാനും ഈ സസ്യത്തിന് കഴിവുണ്ട്.

വെള്ളില എന്ന് പേര് വരാൻ കാരണം ഈ സസ്യത്തിന്റെ പൂങ്കുലയോടൊപ്പം കാണുന്ന തിളങ്ങുന്ന വെള്ളനിറമുള്ള ഇലകൾ പോലെയുള്ള വിദളങ്ങളാണ്.

ചുവപ്പും ഓറഞ്ചും നിറമുള്ള പൂക്കൾ ശാഖാഗ്രങ്ങളിൽ പൂങ്കുലകളായി കാണാം. ചില പൂക്കളുടെ calyx ൽ ഒരു sepal മാത്രം വലുതായി വെള്ളനിറത്തിൽ കാണുന്നതാണ് വെള്ളിലയുടെ വെള്ള നിറമുള്ള ഇല.

വെള്ളിലയുടെ ഒരു പൂവ്

A,B നിലവറ തേടി പോണോരെ,,,

2011-10-15T08:19:00.001+05:30

‘തിരുവനന്തപുരം ശ്രീ പദ്മനാഭസ്വാമി ക്ഷേത്രം’ ക്ഷേത്രക്കുളത്തിനിക്കരെ നട്ടുച്ച നേരത്തെ ഒരു ദൃശ്യം, മോളിലൊരുത്തൻ ഇരിക്കുന്നത് ഇപ്പോഴാ കണ്ടത്.

ഇവിടെ നിധിയുണ്ടെന്ന് കേട്ടു, കുളത്തിനടിയിൽ നമ്മളൊന്ന് മുങ്ങിനോക്കട്ടെ,

ഞങ്ങളിതെത്ര മുങ്ങി നോക്കിയതാ, ഇപ്പൊഴും തുടരുന്നു,

ക്ഷേത്രത്തിന്റെ വടക്കുഭാഗം

അകലെ നിന്നും ക്ഷേത്രഗോപുരത്തിന്റെ മുൻ‌വശം കാണാം,

സന്ധ്യനേരത്ത് അകലെനിന്നും ഒരു ദൃശ്യം

സൂര്യൻ പിന്നിലേക്ക് ഒളിക്കുമ്പോൾ ആളുകളുടെ എണ്ണം കൂടിവരുന്നു, മനുഷ്യവർഗ്ഗങ്ങളും ഭാഷകളും എത്രയുണ്ടെന്ന് ഇവിടെ എത്തിയാൽ അറിയാം.

Noodles eating

2011-10-10T07:15:00.000+05:30

ഇതെങ്ങനെയാ ഒന്ന് വായിലാക്കുന്നത്?

വിജയദശമി

2011-10-06T09:25:00.000+05:30

ഹരി ശ്രീ ഗണപതയെ നമഃ
വിജയദശമി ദിന ആശംസകൾ

Emergency admission

2011-10-04T07:32:00.000+05:30

വളരെ സീരിയസ്സാണ്, ഇതെപ്പാ ഒന്ന് തുറക്കുന്നത്?

വയോജനങ്ങളെ,,, ഇവിടെ

2011-10-01T08:08:00.000+05:30

ഇന്ന് നമ്മുടെ ദിവസം

വയോജന ദിനം...Old Age Day

ഒത്തൊരുമപൂക്കളം, കണ്ണൂർ.

2011-09-17T23:26:00.002+05:30

ലോകത്തിലെ ഏറ്റവും വലിയ പൂക്കളം കണ്ണൂരിൽ

കണ്ണൂരിൽ സ്നേഹവും സമാധാനവും മത മൈത്രിയും ഊട്ടിയുറപ്പിക്കാൻ പൂക്കളാൽ തീർത്ത ഒരു വെള്ളരിപ്രാവ് ഉയരുന്നു

ഏഴ് വൻ‌കരകളുടെ പ്രതീകമായി ഇരുപത് ടൺ വരുന്ന ഏഴ് തരം പൂക്കൾ കൊണ്ടാണ് പൂക്കളം നിർമ്മിച്ചത്. മഞ്ഞ ചെട്ടി, ഓറഞ്ച് ചെട്ടി, വയലറ്റ് ആസ്റ്റർ, റെഡ് ആസ്റ്റർ, വെള്ള ജമന്തി, ചിന്താമണി, ചെണ്ടുമല്ലി, അങ്ങനെ ഏഴ് തരം പൂക്കൾ ചേർന്ന് പൂക്കളം നിർമ്മിച്ചു

ഏറ്റവും വലിയ പൂക്കളം തീർത്ത് ഗിന്നസ് ബുക്ക് ഓഫ് റെക്കാർഡിലും ലിംക്ക ബുക്ക് ഓഫ് റെക്കാർഡിലും സ്ഥാനം നേടാൻ ഈ പൂക്കളത്തിന് കഴിയും

കണ്ണൂർ കലക്ട്രേറ്റ് മൈതാനത്തിലാണ് പൂക്കളം ഒരുക്കിയത്; 40,000 ചതുരശ്ര അടിയിൽ പൂക്കളത്തിനായി നിർമ്മിച്ച പന്തൽ ലിംക ബുക്ക് ഓഫ് റെക്കാർഡിൽ ഇടം പിടിച്ചു. ‘ഉള്ളിൽ തൂണുകളില്ലാത്ത ഏറ്റവും വലിയ പന്തൽ’

21624 ചതുരശ്ര അടി വലിപ്പമുള്ള പൂക്കളമാണ് നിർമ്മിച്ചത്; 189 കളങ്ങളായി തിരിച്ചാണ് പൂവിട്ടത്. ഓരോ കളത്തിലും പൂവിടാൻ 15 പേർ വീതം ഉണ്ടായിരുന്നു.

ഒത്തൊരുമപൂക്കളത്തിന്റെ ഡിസൈൻ വരച്ചത് കണ്ണൂരിന്റെ ചിത്രകാരനും ശില്പിയുമായ ആർട്ടിസ്റ്റ് ശശികല കണ്ണുർ

പൂക്കളം മൊത്തമായി കണ്ട് ഫോട്ടോ എടുക്കാൻ ഒത്തിരി പ്രയാസം ഉള്ളതിനാൽ പല ഭാഗങ്ങളിൽ നിന്ന് ഫോട്ടോ എടുത്തതാണ്.

സപ്തംബർ 17, രാവിലെ 11.35 ന് ആരംഭിച്ച പൂക്കളനിർമ്മാണം 12.20 ന് അവസാനിച്ചു. 45 മിനിട്ടിനുള്ളിൽ ഒത്തൊരുമപൂക്കളം പൂർത്തിയാക്കി

സുഗന്ധം പരത്തുന്ന പൂക്കളം കാണാൻ അനേകം ആളുകൾ എത്തിച്ചേർന്നു. മൂന്ന് ദിവസം പൊതുജനങ്ങൾക്ക് പൂക്കളം ദർശിക്കാം. ഒപ്പം കലാപരിപാടികളും ഉണ്ട്

ഈ വിസ്മയ പൂക്കളത്തിന് ലോകറെക്കാർഡിൽ സ്ഥാനം നേടാൻ കഴിയും

പൂക്കളം കാണാൻ നമ്മുടെ മഹാബലിയും ഉണ്ട്

Kannur cyber meet, 11.9.2011; Photos

2011-09-13T16:24:00.002+05:30

1. കണ്ണുരിൽ വെച്ച് 2011 സപ്തമ്പർ 11ന് നടന്ന സൈബർ മീറ്റിൽ പങ്കെടുത്തവരുടെ ഫോട്ടോകൾ. ഒരു നാടൻപാട്ട് വീഡിയോ പിന്നീട് കൂട്ടിച്ചേർക്കും.

2. ആദ്യം രജിസ്ട്രേഷൻ; ബിൻസി, കുമാരൻ എന്നിവർ തിരക്കിലാണ്.

3. മീറ്റിൽ പങ്കെടുക്കാൻ വന്നവർ

4. ബ്ലോഗർമാരാണ് കൂടുതലായി ഉള്ളത്; പതുക്കെ പരിചയപ്പെടാം.

5. കുമാരൻ, ബിജു കൊട്ടില, ഷെറീഫ് കൊട്ടാരക്കര

6. ഷെറീഫ് കൊട്ടാരക്കര മോഡറേറ്റർ, മറ്റുള്ളവർ പരിചയപ്പെടുത്തുന്നു,

7. ഇങ്ങനെ പരിചയപ്പെടുത്തണം,

9. കെ.പി സുകുമാരൻ അഞ്ചരക്കണ്ടി, പിന്നിൽ ക്യാമറയുമായി ചന്ദ്രേട്ടൻ (സി.എൽ.എസ് ബുക്ക്സ്)

10. പ്രീത, yemceepee

11. ദേവൂട്ടി പറയട്ടെ, റാണിപ്രിയ

12.

13. ശാന്ത കാവുമ്പായി

14.

15.

16.

17.

18. മുക്താർ ഉദരമ്പൊയിൽ

19.

20. അല്പം മാജിക്ക് കാണിക്കട്ടെ,

21.

22.

23.

24. ലീല എം. ചന്ദ്രൻ, (സി.എൽ.എസ് ബുക്ക്സ്)

25. പുതിയ കവിതകളുമായി

26. ബിൻസി, നമ്മുടെ സിസ്റ്റം ഓപ്പറേറ്റർ

27.

28. ചിത്രകാരൻ എത്തിപ്പോയ്

29.

30.

31.

32.

33.

34. ജനാർദ്ദനൻ മാസ്റ്റർ (മാത്സ് ബ്ലോഗ് ടീം)

35. ബിലാത്തിവിശേഷങ്ങളും മാജിക്കുമായി മുരളീമുകുന്ദൻ ബിലാത്തിപ്പട്ടണം.

36.

37.

38.

39.

40.

41. സൈബർ സംഘങ്ങളെ കാണാൻ കണ്ണൂരിന്റെ ചരിത്രവിശേഷങ്ങളുമായി, കെ. വി. മനോഹരൻ

42.

43. ഇതാണ് കണ്ണൂരിന്റെ സ്വന്തം വിധു ചോപ്ര

44.

45. ഇത് വിക്കിപീഡിയയുടെ സ്വന്തം അനൂപ് നാരായണൻ

46. സൈബർ ലോകത്തെക്കുറിച്ച് കോളേജ് വിദ്യാർത്ഥികൾക്ക് ക്ലാസ്സ് നൽകുന്നത് ഡി. പ്രദീപ് കുമാർ

47. ഞാനൊന്ന് സ്വയം പരിചയപ്പെടുത്തട്ടെ,, മിനി എന്ന ഞാൻ

48. എല്ലാരും വന്നോ? ഇനിയൊന്നിരിക്കട്ടെ, ഷെറീഫ് കൊട്ടാരക്കര, മോഡറേറ്റർ

ബ്ലോഗ് മീറ്റ് സംഭവങ്ങൾ വായിക്കാൻ ‘മിനിലോകം’ തുറക്കുക,

ഇവിടെ... സൈബർ മീറ്റ് കണ്ണൂർ

ഓണം വന്നു, പൂക്കളുമായ്’

2011-09-09T10:31:00.000+05:30

ഓണം വന്നേ,,, ഇന്ന് തിരുവോണം,

പൂവും വെളിച്ചവുമായി,,,എല്ലാവർക്കും സ്വാഗതം

പൂവിനുള്ളിൽ ഒരു പൂക്കളം

പൂക്കളം തീർക്കാൻ ഒരു പനിനീർപൂവ്

പൂവിന്റെ ഉള്ളിന്റെ ഉള്ളിൽ കാണാം

പൂക്കളത്തിന് ചാരുതയേകാൻ മുള്ളിൽ വിരിഞ്ഞ തൊട്ടാവാടി പൂവ്

എല്ലാവർക്കും ഓണാശംസകൾ

ഓണം വരുന്നേ,,, Chithira flower

2011-09-01T15:14:00.000+05:30

അത്തം വന്നു മഴയുമായി,,

ചിത്തിര പെരുമഴയുമായി,,,

ഓണം വരുന്നേ,,, Atham flower

2011-08-31T14:28:00.000+05:30

പൂവിളി പൂവിളി പൊന്നോണമായ്,,,

ഇത് എന്റെ സ്വന്തം പാറയാണ്, പനയത്താംപറമ്പ്; മാടായി പാറ അല്ല.

ഇനി അത്തപൂവ് കാണാം

പൂവിനുള്ളിൽ പൂവ് വിരിയും പൊന്നോണം വന്നെ,,,

ഇന്ന് അത്തം

ശലഭത്തിലേക്കുള്ള വഴികൾ...

2011-08-29T10:11:00.000+05:30

ഒറ്റക്കൊമ്പുമായി,,, തലയോ? അതൊ വാലൊ?

പൂർണ്ണകായനായി, ഇരിക്കുന്ന കമ്പ് തിന്നുന്നവൻ

ഇലത്തണ്ടിൽ മുറുകെ പിടിച്ചിട്ടുണ്ട്

ഇതും ഒരു രൂപം, മറ്റുള്ളവരെ പറ്റിക്കാൻ

അല്പം അഭ്യാസമൊക്കെ ആവാം, എല്ലാം ഒരാൾ തന്നെയാ

ഇല ചുരുട്ടിയുള്ള ജീവിതം:beedi worker

2011-08-25T15:11:00.001+05:30

ബീഡി തൊഴിലാളികളും നെയ്ത്ത് തൊഴിലാളികളും, ഒരു കാലത്ത് കണ്ണൂരിന്റെ മുഖമുദ്രയും ശക്തിയും ആയിരുന്നു. ഇന്നും ചിലയിടങ്ങളിൽ അവരെ കാണാം.

കറുപ്പിലും വെളുപ്പിലും ഒരു പരീക്ഷണം നടത്തിയതാണ്.

പൊന്നിൻ ചിങ്ങത്തിലെ പൂത്തിരി

2011-08-22T13:53:00.000+05:30

ഒരു കാട്ടുപൂവിൻ പുഞ്ചിരി

സ്വാതന്ത്ര്യത്തിന്റെ നിഴലിൽ

2011-08-15T07:37:00.000+05:30

“എടി അന്നമ്മെ, ഇന്ന് സ്വാതന്ത്ര്യദിനമാണ്; നമ്മളെന്നും ഇങ്ങനെ നിഴലിൽ കഴിഞ്ഞാൽ മതിയോ?”

“എടി റോസക്കുട്ടി, വേഗം നടക്ക്; ആ കാലമാടൻ കത്തിക്ക് മൂർച്ച കൂട്ടുന്നത് നീ കാണുന്നുണ്ടോ?”

കർക്കിടക ദുരന്ത നിവാരണത്തിനായി

2011-08-11T07:45:00.001+05:30

പതിവുപോലെ കർക്കിടകമാസം വേടൻ വന്നു. ആധിയും വ്യാധിയും ഒഴിവാക്കി ഐശ്വര്യം വർദ്ധിപ്പിക്കാനായി.

കൂടുതൽ ചിത്രങ്ങൾ കാണാൻ

എന്റെ വീട്ടിൽ 2009ൽ വേടൻ വന്നപ്പോൾ

ഫോട്ടോ വീഡിയോ സഹിതം വേടനെക്കുറിച്ച് കൂടുതൽ വിവരങ്ങൾ അറിയാൻ

എന്റെ വീട്ടിൽ 2010ൽ വേടൻ വന്നപ്പോൾ

കാവിലെ കാഴ്ചകൾ

2011-08-08T07:15:00.001+05:30

കാവിന്റെ നടയിൽ കരിവീരൻ

പുറം‌ചുമരിൽ തൂങ്ങിനിൽക്കുന്ന പഴുത്ത അടക്കകൾ

വാഴക്കുല പഴുത്തിട്ടില്ല

നന്നായി മുത്തുപഴുത്ത വാഴക്കുല ഇവിടെയുണ്ട്

മുറികൂട്ടി... Hemigraphis colorata

2011-08-01T07:14:00.001+05:30

Name : Hemigraphis colorata

Family : Acanthaceae

Commonly available decorative plant.
This is a prostrate herb with rooting branches. leaves 6 to 10 cm long and sparkling silvery violet underneath red purple. Sometime produce single white small flowers
An unbelievable wound healer. It cures fresh wound, cuts, ulcers, inflammation, it is used internally for anemia.

മുറികൂട്ടി,,,

ശരീരത്തിലുണ്ടാവുന്ന മിറിവുകളെ കൂട്ടുന്നത് ആയതിനാൽ മുറികൂട്ടി എന്ന പേര് വന്നു. മുറിയൂട്ടി, മുറിവൂട്ടി, മുറികൂടി, മുക്കുറ്റി എന്ന പേരുകളിലെല്ലാം അറിയപ്പെടുന്നുണ്ട്. ഇലകൾ കൈയിൽ വെച്ച് തിരുമ്മി പിഴിഞ്ഞ നീര് മുറിവിൽ പുരട്ടിയാൽ പെട്ടെന്ന് തന്നെ മുറിവ് ഉണങ്ങും. ചൊറി, ചിരങ്ങ് എന്നിവ മാറാനും ഈ ചെടിയുടെ നീര് ഉപയോഗിക്കുന്നു.

നിലത്ത് പറ്റി ശാഖകളായി പടർന്ന് വളരുന്ന ചെടിയുടെ ഇലയുടെ മുകൾവശം പച്ച കലർന്ന ചാരനിറവും അടിവശം ചുവപ്പ് കലർന്ന വയലറ്റ് നിറമാണ്.

അലങ്കാരചെടിയായും വളർത്തുന്ന ഈ സസ്യത്തിന് ചില കാലങ്ങളിൽ വെള്ള നിറമുള്ള കൊച്ചു പൂക്കൾ കാണാം.

വീട്ടുപറമ്പിൽ മുറികൂട്ടി ഉണ്ടെങ്കിൽ മുറിവുകൾ ഉണ്ടായാൽ പെട്ടെന്ന് തന്നെ ഏതാനും ഇലകൾ പറിച്ച്, അവ പിഴിഞ്ഞെടുത്ത നീര് മുറിവിൽ പുരട്ടാം. ഈർപ്പമുള്ള, ജൈവാംശമുള്ള മണ്ണിൽ ശാഖകൾ മുറിച്ച് നട്ട് വളർത്താം; സൂര്യപ്രകാശം കുറച്ച്‌മാത്രം മതിയായതിനാൽ വൃക്ഷതണലിലും നന്നായി വളരും.

നിലത്ത് പടരുന്ന ഈ ചെടിയുടെ പർവ്വസന്ധികളിൽ നിന്ന് വേരുകൾ ഉണ്ടാവുന്നതിനാൽ, വർഷങ്ങളോളം നശിക്കാതെ വളർന്നുകൊണ്ടേയിരിക്കും.

ചുവന്ന താരം

2011-07-29T06:46:00.000+05:30

ശില്പി തൻ കരവിരുത്,

ഫണൽ

2011-07-23T07:35:00.001+05:30

പ്രകൃതിയുടെ കരവിരുത്
Uphorbia flowers

രാത്രിമഴ

2011-07-19T07:31:00.000+05:30

രാത്രിമഴ പെയ്യുന്ന നേരത്ത് പട്ടണനടുവിൽ കുടുങ്ങിയപ്പോൾ

കണ്ണൂർ കാക്ക

2011-07-15T06:59:00.000+05:30

ഓട്ടക്കണ്ണിട്ടു നോക്കും കാക്കെ, നിന്റെ,,,

അമ്മായിഅമ്മയുടെ നാവ് പൂത്തപ്പോൾ

2011-07-08T07:58:00.001+05:30

Flowering Plant known as Mother-in-Law’s Tongue or Devil’s Tongue

Name : Sansevieria zeylanica

Family : Dracaenaceae

അമ്മായിഅമ്മയുടെ നാവ്, Mother-in-Law’s Tongueപൂങ്കുലയുമായി, ‘വെള്ളനിറമുള്ള പൂക്കൾ’

നമ്മുടെ പൂന്തോട്ടത്തിൽ വളർത്തുന്ന അലങ്കാരസസ്യം,

ചെടിച്ചട്ടികളിൽ വളർത്തിയിട്ട് വീടുകളിലും സ്ഥാപനങ്ങളിലും അലങ്കരിക്കാനായും ഉപയോഗിക്കുന്നു.

Three in One, ഉള്ളതുകൊണ്ട് ഓണം പോലെ,

2011-07-01T10:35:00.001+05:30

റോഡരികിൽ ഒന്നിച്ച്‌വളരുന്ന മൂന്ന് മരങ്ങൾ,

1. ഏഴിലം‌പാല : Alstonia scholaris

2. മണിമരുത് : Lagerstroemia speciosa

3. അരണമരം : Polyalthia longifolia

തൊട്ടടുത്ത് വളരുന്ന കണിക്കൊന്നയുടെ ഇലകളും ഫോട്ടോയിൽ കാണാം. കണ്ണൂർ പട്ടണത്തിലെ ദൃശ്യം.

മുള്ള് തൊപ്പികൾ

2011-06-22T07:59:00.000+05:30

‘പണം കൊടുത്താൽ നല്ലത്‌നോക്കി എടുക്കാം’

എരുക്ക്...Calotropis

2011-06-16T07:08:00.001+05:30

Name : Calotropis gigantia

Family : Asclepiadaceae

വിജനമായ പ്രദേശങ്ങളിലെ പാഴ്നിലങ്ങളിൽ രണ്ട് മീറ്റർ വരെ ഉയരമുള്ള കുറ്റിച്ചെടിയായി വളരുന്നു. സമ്മുഖമായി വിന്യസിച്ച ഇലകളും തണ്ടും ഒടിച്ചാൽ രൂക്ഷമായ ഗന്ധമുള്ള വെളുത്ത കറ ഊറിവരും. ശാഖാഗ്രങ്ങളിലുള്ള പൂങ്കുലകളിൽ അനേകം പൂക്കൾ കാണാം. പാകമായ വിത്തുകൾക്ക് സിൽക്ക്പോലുള്ള രോമങ്ങൾ ഉള്ളതിനാൽ വായുവിൽ പറന്ന് വിത്ത്‌വിതരണം നടക്കുന്നു.

എരുക്കിന്റെ പൂവ്, കായ, ഇല, തണ്ട്, വേര് എന്നിവയെല്ലാം ഔഷധ പ്രാധാന്യമുള്ളവയാണ്. ചൊറി, പുഴുക്കടി, തുടങ്ങിയ അനേകം ത്വക്ക്‌രോഗങ്ങൾക്ക് ഔഷധമായി എരുക്കിന്റെ കായയും ഇലയും ഉപയോഗിക്കുന്നു. ശ്വാസം മുട്ടലിന് ശമനമുണ്ടാവാൻ എരുക്കിന്റെ പൂവ് ഉണക്കിപൊടിച്ച് ഉപയോഗിക്കുന്നു. വാതരോഗങ്ങൾക്കുള്ള മരുന്ന് നിർമ്മാണത്തിന് എരുക്കിന്റെ വേര് ഉപയോഗിക്കുന്നു.

ജലലഭ്യത കുറഞ്ഞ ഇടങ്ങളിലും തീരപ്രദേശങ്ങളിലും എരുക്ക് വളർന്ന് പുഷ്പിക്കുന്നത് കാണാം. കേരളത്തിൽ സാധാരണയായി രണ്ട്‌തരം എരുക്ക് കാണാം. ഒന്ന് വെള്ള നിറമുള്ള പൂവ് ഉള്ളതും മറ്റൊന്ന് ചുവപ്പ് കലർന്ന പൂവുള്ളതും.

കുളിര്

2011-06-11T06:28:00.000+05:30

മഴത്തുള്ളികൾ ചാർത്തുമീ ദളങ്ങളിൽ,

ഒരു കുളിരായ് നനവ്

2011-06-05T06:21:00.000+05:30

ഇലയിളക്കത്തിനിടയിൽ

ഒരു തിരയിളക്കം.

ജൂൺ5,,,, ലോക പരിസ്ഥിതി ദിനം....

Welcome to school

2011-06-01T07:05:00.001+05:30

ഞാനും സ്ക്കൂളിലേക്ക് പോവുകയാ,

What about my bag and umbrella

ശ്രീക്കുട്ടി സ്ക്കൂളിലേക്ക് പോവുകയാ LKG ക്ലാസ്സിൽ

കാവൽ...dog

2011-05-28T07:50:00.000+05:30

എന്നെയെന്തിനിവിടെയിങ്ങനെ???

ദശാവതാരം,,,show

2011-05-20T06:52:00.000+05:30

മത്സ്യം

കൂർമ്മം

വരാഹം

നരസിംഹം

വാമനൻ

പരശുരാമൻ

ശ്രീരാമൻ

ബലരാമൻ

ശ്രീകൃഷ്ണൻ

കൽക്കി

വേണമെങ്കിൽ ചക്ക ,,,,, ??? Jack Fruit

2011-05-15T07:38:00.002+05:30

ചക്കകൾക്ക് നല്ലകാലം വരുന്നേ,,,

കുറ്റിയാട്ടൂർ Mango

2011-05-09T07:10:00.000+05:30

ഇത് കേരളത്തിന്റെ വടക്ക് ഭാഗങ്ങളിൽ വളരുന്ന, കണ്ണൂർ ജില്ലയിലെ കുറ്റിയാട്ടൂർ ഗ്രാമത്തിന് സ്വന്തമായ മാവ്,

‘കുറ്റിയാട്ടൂർ മാവ്’

നമ്പ്യാർ മാവ്’ എന്ന പേരിലും അറിയപ്പെടുന്ന ഈ മാവ് അധികം ഉയരത്തിൽ വളരാറില്ല. കായ്ക്കുന്ന സീസണിൽ ഉണ്ടാവുന്ന വലിയ മാങ്ങകൾ മൂത്തുപഴുത്താൽ നല്ല രുചിയുണ്ടാവും.
ഇത് എന്റെ സ്വന്തം മാവ്, ഫോട്ടോ ടെറസ്സിൽ നിന്നും എടുത്തതാണ്.

മാങ്ങകളുടെ ഭാരം കൂടുമ്പോൾ ബലം കുറഞ്ഞ ശാഖകൾ താഴോട്ട് ചാഞ്ഞ്, പൊട്ടിവീഴാറുണ്ട്. അത് ഒഴിവാക്കാൻ താങ്ങുകൾ വെച്ച് കൊടുക്കുകയും കയറുകളിൽ കെട്ടി ഉറപ്പിക്കുകയും ചെയ്യാറുണ്ട്. ഇവിടെ ടെറസ്സിൽ നിന്നും മാവിന്റെ ശാഖകൾ താങ്ങി ഉറപ്പിച്ചത് കാണാം.

കീടനാശിനിയും രാസവസ്തുക്കളും തളിക്കാത്ത ഈ മാങ്ങകളുടെ സംരക്ഷണം ചുവന്ന പുളിയുറുമ്പുകൾ ഏറ്റെടുത്തിരിക്കയാണ്. ഇടയ്ക്ക് മഴ പെയ്താൽ മാങ്ങകൾക്ക് കേട് വരും. മൂത്ത മാങ്ങകൾ നിലത്ത് വീഴാതെ പറിച്ചെടുത്ത് വീട്ടിനകത്തെ മുറിയിൽ പഴുപ്പിക്കാൻ വെക്കണം.

വീട്ടിനകത്ത് വൈക്കോൽ വിരിച്ച്, അതിനു മുകളിൽ മൂത്ത മാങ്ങകൾ നിരത്തിവെക്കും. ഈ മാങ്ങകളെ കാഞ്ഞിരത്തിന്റെ പച്ച ഇലകൾ‌കൊണ്ട് പൊതിയും. മാങ്ങകൾ എളുപ്പത്തിൽ പഴുക്കാനും ഭംഗിയും രുചിയും വർദ്ധിപ്പിക്കാനുമായി ഗ്രാമീണർ ചെയ്യുന്നതാണ്.
കാഞ്ഞിരത്തിന്റെ പച്ചിലകൾ കുറഞ്ഞതുകൊണ്ടാണ് എന്റെ മാങ്ങയുടെ സൌന്ദര്യം കുറഞ്ഞത്.

മാങ്ങ പഴുത്തു, തൊലികളഞ്ഞ് പ്ലെയിറ്റിലാക്കി, ഇനി ഓരോന്നായി എടുത്ത് കഴിക്കാം.

ഒന്നിച്ച് ധാരാളം മാങ്ങകൾ പഴുത്താൽ ചെയ്യാൻ ധാരാളം മാർഗങ്ങളുണ്ട്. അതിലൊരു മാർഗ്ഗമാണ്, ‘ജാം’. ഇടിച്ചു പിഴിഞ്ഞ് കട്ടിയിൽ ജൂസാക്കിയ മാങ്ങയോടൊപ്പം ധാരാളം പഞ്ചസാര ചേർത്ത് ചൂടാക്കി തുടർച്ചയായി ഇളക്കി വെള്ളം വറ്റിച്ചാൽ നാടൻ ‘ജാം’ ആക്കിമാറ്റി ഏതാനും ദിവസം കേട് കൂടാതെ സൂക്ഷിച്ച് ഉപയോഗിക്കാം. നല്ല അധ്വാനമുള്ള, അടുപ്പിന് സമീപത്ത് നിന്ന് ചെയ്യുന്ന പണിയാണ്.

കുറ്റിയാട്ടൂർ മാവിനെയും മാങ്ങയെയും കുറിച്ച് കൂടുതൽ വിവരങ്ങൾ 29.4.2011 ന് പ്രസിദ്ധീകരിച്ച ‘മാതൃഭൂമി കാഴ്ച’യിൽ വായിക്കാം.

അക്ഷയതൃതീയ

2011-05-05T22:39:00.000+05:30

'അക്ഷയതൃതീയ’

പൊന്നിന് പകരം പൂവ് വെക്കുന്നു,

പൂവിന് പകരം വിളക്ക് വെക്കുന്നു,

വെളിച്ചം ചിതറട്ടെ, ഐശ്വര്യം നിറയട്ടെ;

ഒരു മീറ്റർ ചായ , Tea shop

2011-05-01T07:27:00.001+05:30

നേരം പുലർന്നില്ലെ? ഇനി ക്ഷീണം മാറ്റാൻ ഒരു മീറ്റർചായ തയ്യാർ,
അദ്ധ്വാനിക്കുന്ന എല്ലാ തൊഴിലാളികൾക്കും മെയ്ദിന ആശംസകൾ

പറന്നുയരാൻ കൊതിക്കുന്ന baloon

2011-04-22T06:22:00.000+05:30

നീലവാനിലേക്കുയരാൻ കൊതിക്കുന്ന ബലൂണുകൾ

വിഷുക്കണി … Flowers with rainbow colours

2011-04-15T06:15:00.000+05:30

വിഷുദിന ആശംസകളുമായി പൂക്കളുടെ വരവായി

violet

indigo

blue

green

yellow

orange

red

white
എല്ലാവർക്കും വിഷുദിന ആശംസകൾ

Happy vishu festival and our new year celebration

Tomato display ... തക്കാളി ഷോ

2011-04-12T07:39:00.001+05:30

തക്കാളികളെല്ലാം ടെറസ്സിലെ ചെടിച്ചട്ടികളിൽ കായ്ച്ചതാണ്, ഇനി ഓരോരുത്തരായി വരുന്നു,,, നമ്മൾ തക്കാളികൾ,

ആദ്യം പച്ചത്തക്കാളി വരട്ടെ,,,

പച്ചത്തക്കാളി വന്നു,,, എങ്ങനെയുണ്ട്?
ഇനി അല്പം മൂത്ത് പഴുക്കാറായത് വരട്ടെ,,,

ഇത് പോര,,,
അല്പം കൂടി മൂത്തത് പോരട്ടെ,,,

എന്നാലും കൂട്ടത്തിലൊന്ന് ശരിക്കും പഴുത്തിട്ടില്ല,
നന്നായി പഴുത്ത ചുവപ്പൻ തക്കാളി വരട്ടെ,,,

ഇതാണ് ശരിക്കും പഴുത്തത്,,, ഞാനിപ്പം പറിച്ച് തിന്നും,
അങ്ങനെ അടുക്കളയിൽ,,,

ഇത്രയും പോരെ?

ഉച്ചമയക്കം

2011-04-05T22:46:00.000+05:30

വല്ലാത്ത ചൂട്, ഈ തണലിൽ ഇത്തിരിനേരം ഒന്ന് കിടക്കട്ടെ;

ലാവ

2011-04-02T07:43:00.000+05:30

അഗ്നിപർവ്വതത്തിന്റെ ഉള്ളിൽനിന്നും ചുട്ടുപഴുത്ത്, തിളച്ചുമറിയുന്ന ലാവ വെളിയിലേക്ക് ഒഴുകാൻ ആരംഭിക്കുന്നു.

കൊടിതോരണങ്ങളുമായി

2011-03-30T07:33:00.000+05:30

കൊടിതോരണങ്ങളുമായി വിഷുവിന്റെ വരവറിയിച്ചുകൊണ്ട് പൂക്കൾ വന്നു,,,

കണിക്കൊന്ന

പടവലം

2011-03-25T07:22:00.000+05:30

വെള്ള നിറത്തിലൊരു പൂവ്, പടവലം

ഹോളി

2011-03-20T08:00:00.001+05:30

പടിഞ്ഞാറൻ ചക്രവാളത്തിൽ ഹോളി ആഘോഷം

പാലരുവിയുടെ പതനം

2011-03-13T07:25:00.001+05:30

ഒഴുകിയൊഴുകി പുഴയൊഴുകി താഴെ വീഴുന്നേ,,,

ബ്രഹ്മി

2011-03-09T07:55:00.001+05:30

ബ്രഹ്മി പൂത്തപ്പോൾ

Family : Scrophulariaceae

Bot. Name : Bacopa monnieri

ഔഷധ സസ്യമായ ബ്രഹ്മി ഓർമ്മശക്തി വർദ്ധിപ്പിക്കാനുള്ള പലതരം ഔഷധനിർമ്മാണത്തിന് വൻ‌തോതിൽ ഉപയോഗിക്കുന്നു. കുട്ടികളുടെ ഓർമ്മയും ബുദ്ധിയും ശക്തിയും വർദ്ധിപ്പിക്കാൻ ബ്രഹ്മി നെയ്‌ചേർത്ത് അരച്ച് നൽകാറുണ്ട്.

ജലാശയത്തിന്റെ തീരത്തും വെള്ളം കെട്ടിക്കിടക്കുന്ന സ്ഥലങ്ങളിലും വളരുന്നു. നിലം‌പറ്റി വളരുന്ന ബ്രഹ്മിക്ക് ധാരാളം ശാഖകൾ ഉണ്ട്. വെള്ളനിറമുള്ള പൂക്കൾ ചെറുതാണ്.

വീട്ടിൽ വളർത്തുന്ന ബ്രഹ്മി ആദ്യമായി പുഷ്പിച്ചപ്പോഴാണ് ഫോട്ടോ എടുത്തത്.

നേരത്തെ കാലത്തെ പൂവിട്ട കണിക്കൊന്ന

2011-03-05T07:27:00.000+05:30

വിഷു വരുന്നതിന് മുൻപ്

നേരത്തെ കാലത്തെ പൂക്കുന്ന കണിക്കൊന്ന

നിറക്കൂട്ടുമായി ഒരു തുള്ളി വെള്ളം

2011-03-02T15:06:00.002+05:30

നിറങ്ങൾ ചാർത്തിയ ജലത്തുള്ളി

പല്ല്‌ വേദനയുണ്ടോ?

2011-02-26T06:53:00.008+05:30

നിലത്ത് പടർന്ന് വളരുന്ന ഈ സസ്യത്തിന്റെ പൂവ് ഔഷധ ഗുണമുള്ളതാണ്. മഞ്ഞ നിറമുള്ള, ഒരു കമ്മൽ പോലെയുള്ള ഈ പൂവ് വായിലിട്ട് ചവച്ചാൽ ഗ്രാമ്പുവിന്റെ രുചിയാണ്. പല്ല് വേദനയുള്ളപ്പോൾ ഈ പൂവിലൊന്ന് പറിച്ചെടുത്ത് വേദനയുള്ള ഭാഗത്ത് കടിച്ചുപിടിച്ചാൽ ധാരാളം ഉമിനീർ വരികയും ഒപ്പം വേദന മാറുകയും ചെയ്യും. പൂവിന്റെ ഔഷധപ്രാധാന്യം മനസ്സിലാക്കിയ നമ്മുടെ നാട്ടിൻപുറത്തുകാർ ചെടി നശിക്കാതെ സംരക്ഷിക്കാറുണ്ട്.

ചെടിയുടെ ഔഷധഗുണമുള്ള പൂവ് വലുതാക്കി കാണിച്ചിരിക്കുന്നു. അടിവശത്തുള്ള വിത്തിന്റെ ഭാഗം അമർത്തിയാൽ മാത്രമാണ് ഗ്രാമ്പുവിന്റെ രുചിയും ഗന്ധവും ഉള്ളത്.
വർഷങ്ങളായി ഈ സസ്യം വീട്ടിലുണ്ടെങ്കിലും പേര്, ശാസ്ത്രീയ നാമം എന്നിവ അറിയില്ല.

നോട്ടം

2011-02-23T07:42:00.001+05:30

എലിയെ പിടിക്കാനൊന്നും എന്നെക്കൊണ്ടാവില്ല, ഒരു പച്ചമീൻ കിട്ടിയെങ്കിൽ,,,,,,

കടത്തുകാരൻ

2011-02-19T06:26:00.000+05:30

അക്കരെയിക്കരെ,,,

പ്രണയദിനത്തിൽ സുന്ദരിമാരുടെ fashion show

2011-02-14T07:13:00.000+05:30

ആദ്യം വന്നത് ഇവൾ‌തന്നെ, ‘അനന്യ’

തൊട്ടുപിന്നാലെ വന്നത്, ‘ആമിന’

അടുത്തത്, ‘ഇന്ദുജ’

ഇവളാണ്, ‘ഈശ്വരി’

ഇവൾ, ‘ഉർവ്വശി’

വലിയ നാണക്കാരിയാ, ‘ഊർമ്മിള’

പുറത്തേക്കിറങ്ങാൻ മടിച്ചിയാണ്, ‘ഋതുമതി’

ഇവൾ ആൺകുട്ടിയാണോ?, ‘എത്സമ്മ’

ഹോ, നോക്കുമ്പോൾ കണ്ണ് വേദനിക്കുന്നു, ‘ഏലിക്കുട്ടി’

കാണാൻ എങ്ങനെയുണ്ട്?, ‘ഐശ്വര്യ’

ഒടുവിൽ അവൾ വന്നു, ‘ഒറോമ’

ഇവൾ എല്ലാവരുടെയും, ‘ഓമന’

വിദേശിയാണ്, ‘ഔഷമി’

കൊച്ചു കൊച്ചു മോഹവുമായ്, ‘അംബിക’

ഒടുവിൽ അവളും പുറത്ത്‌വന്നു, ‘അനാമിക’

എന്തു ഭംഗി എന്നെ കാണാൻ, ‘കല്പന’

തനി നാട്ടിൻപുറത്തുകാരിയായ, ‘ഖദീജ’

മറ്റുള്ളവരുടെ കൂട്ടത്തിൽ പെടാത്തവളാണെങ്കിലും ബന്ധുവാണ്, ‘ഗായത്രി’

വിത്തിൽ ഒരു പരീക്ഷണം

2011-02-09T07:43:00.001+05:30

???

ഇടം‌പിരി വലം‌പിരിയുടെ വിത്ത് ഒരു തുള്ളി ജലവുമായി

വധൂവരന്മാരേ സ്വാഗതം

2011-02-05T07:29:00.000+05:30

വധൂവരന്മാരെ, താലികെട്ടാൻ നേരമായ്

നീലസാഗരം നീന്തിക്കയറാൻ

2011-02-02T06:57:00.000+05:30

എത്ര നേരമായാലും ഈ കടൽ ഞാൻ നീന്തിക്കയറും.

കടവ്

2011-01-28T07:02:00.000+05:30

അക്കരെയെത്താൻ

നീലാകാശം നീലസാഗരത്തിൽ

2011-01-25T17:36:00.001+05:30

അകലെ ഒരു തീരം,,, New Zealand

കടപ്പാട്: Sabu M.H

New Zealand

നിഴലുകൾ നോക്കി

2011-01-21T06:21:00.000+05:30

കണ്ണാടി വേണ്ട,

മുഖം‌നോക്കാൻ കടൽതീരം മതി

താലികെട്ടാൻ നേരത്ത്

2011-01-18T06:35:00.000+05:30

വിഷമിക്കേണ്ട, വിവാഹം വീഡിയോയിൽ കാണാം

ഡിസൈൻ,,, ഇലകളിൽ

2011-01-14T07:59:00.000+05:30

നിറങ്ങൾ ചാർത്തിയ ഇലകൾ

ശംഖുപുഷ്പം കണ്ണെഴുതുമ്പോൾ

2011-01-09T07:03:00.001+05:30


അതിരാവിലെ കുളിച്ചീറൻ‌മുടിയുമായി കണ്ണാടിയുടെ മുന്നിൽ വന്ന് കണ്ണെഴുതി,,,, ഇനി പൊട്ടുതൊടണം

വിടപറയും മുൻപ്

2011-01-05T06:14:00.000+05:30

ലോകൈകശില്പി, രജനീവനിതക്കു ചാർത്താൻ

നക്ഷത്രമാലകൾ പണിയുവതിനായി;

സൌപർണ്ണപിണ്ഡമതുരുക്കിയെടുത്ത് നീറ്റിൽ

മുക്കുന്നിതാ, തപനമണ്ഡപ കൈതവത്താൽ.

പുതുവത്സരാശംസകൾ.... 2011

2011-01-01T06:45:00.000+05:30

എല്ലാവർക്കും ഐശ്വര്യം നിറഞ്ഞ പുതുവർഷം ആശംസിക്കുന്നു.

അമ്മക്കിളി

2010-12-29T06:48:00.002+05:30

‘കോഴിയമ്മയും മക്കളും’

ക്രിസ്തുമസ് സന്ദേശവുമായി നക്ഷത്രപൂക്കൾ

2010-12-24T22:56:00.001+05:30

സ്നേഹത്തിന്റെയും

സാഹോദര്യത്തിന്റെയും

സമാധാനത്തിന്റെയും

സഹനത്തിന്റെയും

ഐക്യത്തിന്റെയും

പ്രതീക്ഷയുടെയും

നന്മയുടെയും

ഐശര്യത്തിന്റെയും

പാപമോചനത്തിന്റെയും

ശാന്തിയുടെയും

വിശുദ്ധിയുടെയും

സന്തോഷത്തിന്റെയും

ക്രിസ്‌മസ് ആശംസകൾ

ക്ഷണിക്കാതെ വന്ന അതിഥി

2010-12-20T06:49:00.000+05:30

കമ്പ്യൂട്ടർ നോക്കാനായി ഇടയ്ക്കിടെ വീട്ടിനകത്ത് വരുന്ന തവള, ഏതാണ്ട് ഒരു സെന്റീമിറ്റർ നീളം. ഏറ്റവും ചെറിയ ഈ തവള, സുരക്ഷിതസ്ഥാനമായി കണ്ടത് മനുഷ്യവാസമുള്ള വീട് ആയിരിക്കാം.

പനികൂർക്ക

2010-12-16T07:13:00.000+05:30

പനികൂർക്ക

Name : Coleus aromaticus

Family : Lamiaceae

വീട്ടുമുറ്റത്ത് ചെടിച്ചട്ടികളിൽ വളർത്താവുന്ന ഒരു ഔഷധസസ്യം. പനികൂർക്കയുടെ ഇലപറിച്ച് അമർത്തിയാൽ പ്രത്യേക സുഗന്ധമുള്ള നീര് പുറത്തുവരും. ഇങ്ങനെ ഇലയും തണ്ടും പിഴിഞ്ഞെടുത്ത നീര് കുട്ടികൾക്ക് ജലദോഷം, ചുമ എന്നിവ ശമിക്കാൻ നൽകാറുണ്ട്. മൂത്ര വിരേചനത്തിനും നല്ലതാണ്. പുളിലേഹ്യം, ഗോപിചന്ദനാദി ഗുളിക എന്നിവയിലെ ഒരു ചേരുവയാണ് പനിക്കൂർക്ക.

അപൂർവ്വമായി മാത്രം പുഷ്പിക്കുന്ന സസ്യമാണ് പനികൂർക്ക. ശാഖകൾ അടർത്തിമാറ്റി നടാം.

ഒന്ന് ചുറ്റിയടിക്കട്ടെ,

2010-12-13T07:31:00.003+05:30

ഇത് കേരളമല്ല, എന്നാലും ഒന്ന് കറങ്ങിനടക്കട്ടെ,

കരാത്തെ children in action

2010-12-09T07:34:00.000+05:30

വരുന്നു ഞങ്ങൾ വയലുകൾ കടന്ന്

സ്വയം രക്ഷക്ക് ഇത്തിരി ആയുധപരിശീലനം

മെയ്യും മനസ്സും ഒന്നായി മാറി; കണ്ണും കൈയും ഒന്നിച്ച് ചേർന്ന്,

ഇതേൽ‌പിടിച്ച് മുകളിലോട്ട് കയറാൻ കഴിയുമോന്ന് നോക്കട്ടെ,

ഇനി യൂനിഫോം ഇല്ലാതെ പാർക്കിൽ

പത്ത്മണിപൂവ്

2010-12-05T07:58:00.000+05:30

ഇത്തിരി നേരത്തേക്ക് മാത്രം വിടരുന്ന പത്ത്മണിപൂവ്,

ഒരു കുഞ്ഞുപൂവ്

നായ്ക്കുരണ

2010-11-30T07:42:00.000+05:30

നായ്ക്കുറണ

Name : Mucuna puriens

Family : Fabaceae

കുറ്റിച്ചെടികൾ ധാരാളമായി കാണുന്ന ചെറുകാടുകളിൽ ചുറ്റിപടർന്ന് വളരുന്ന സസ്യം. മറ്റു പയർ വർഗ്ഗങ്ങളെപ്പോലെയുള്ള ഇലകളും ഒപ്പം കുലകളായി തൂങ്ങിക്കിടക്കുന്ന പൂക്കളും കായകളും കാണാം. നീലകലർന്ന വയലറ്റ് നിറമുള്ള പൂക്കൾ ഉണങ്ങിയാൽ കറുപ്പ് നിറമായി മാറുന്നു.

പൂക്കൾ ഉണങ്ങി കറുപ്പ് നിറമായാൽ രോമാവരണം ഉള്ള ഫലങ്ങൾ പുറത്ത് കാണാം. ഫലത്തെ പൊതിയുന്ന രോമാവരണം ശരീരത്തിൽ സ്പർശ്ശിച്ചാൽ നല്ല ചൊറിച്ചിൽ ഉണ്ടാകും. ഉണങ്ങി പാകമായ വിത്ത് വാതരോഗം ശമിക്കാനും ലൈംഗികശേഷി വർദ്ധിപ്പിക്കാനും ഉപയോഗിക്കുന്നു. കൂടാതെ വേരും ഇലയും ഫലത്തെ പൊതിയുന്ന രോമാവരണവും പലതരം ഔഷധങ്ങളായി ഉപയോഗിക്കുന്നു.

Safe Landing

2010-11-25T06:56:00.001+05:30

ചങ്ങല കാണുന്നുണ്ടെങ്കിലും ഇതിലും സെയ്ഫ് ആയി എനിക്ക് ലാന്റ് ചെയ്യാൻ മറ്റൊരിടവും ഇല്ല.

ചിത്രത്തിനു കടപ്പാട്: Sabu M H
http://neehaarabindhukkal.blogspot.com/

കൂടണയും മുൻപ്

2010-11-23T06:50:00.000+05:30

നീർക്കാക്ക

ഞാനും വരുന്നു,

2010-11-19T06:26:00.000+05:30

“രാവിലെ മുതൽ പഞ്ചാരയടി തുടങ്ങിയിട്ട് കോറെ നേരമായി; ഇനിയങ്ങനെ വിടില്ല, ഞാനും വരുന്നു”

“നീയും കയറി വാ”

“അയ്യോ എന്നെയൊന്നു പിടിച്ചേ; ഞാനിപ്പം വീഴും”

പെരുന്നാൾ ആശംസകളുമായി

2010-11-16T22:29:00.000+05:30

എല്ലാവർക്കും നിറങ്ങളിൽ ചാലിച്ച പെരുന്നാൾ ആശംസകൾ

ഓരില

2010-11-13T06:52:00.001+05:30

ഓരില

Botanical Name : Desmodium gangeticum

Family : Fabaceae

കുറ്റിച്ചെടിയായി പാഴ്‌നിലങ്ങളിൽ വളരുന്ന ഓരില ശാഖകളായി നിലത്ത് പടരുന്നു. അണ്ഡാകൃതിയുള്ള ഇലകൾ ഏകാന്തരമായി ക്രമീകരിച്ചിരിക്കുന്നു. വയലറ്റ് നിറമുള്ള പൂക്കൾ വളരെ ചെറുതാണ്. ചന്ദ്രക്കല പോലെയുള്ള ഫലങ്ങൾ ഉണ്ട്; ഔഷധഗുണമുള്ള വേരുകൾ വളരെ നേർത്തതാണ്.

ദശമൂലത്തിൽ ഉൾപ്പെട്ട ഓരില വാതം, പിത്തം, കഫം, എന്നിവ കുറയ്ക്കാനുള്ള ഔഷധമാണ്. വിഷഹാരിയായ ഓരിലവേര് ഹൃദയപേശികളെ ബലപ്പെടുത്തുന്നതിനാൽ ഹൃദ്‌രോഗത്തിന് ഔഷധമായി ഉപയോഗിക്കുന്നു.

ഓലക്കുടയുമായ്...

2010-11-11T06:40:00.002+05:30

പണ്ട്, പണ്ട് ഒരു കാലത്ത് ഒരു ഉണ്ണിയുണ്ടായിരുന്നു. ആ ഉണ്ണി കുട വേണമെന്ന് പറഞ്ഞ് കരഞ്ഞപ്പോൾ.....

അങ്ങനെ ആ ഓലക്കുടയുമായി ഉണ്ണി എഴുത്തുപള്ളിയിൽ പോയി.

: ഈ ഓലക്കുട പിടിച്ചത് കണ്ണൂർ തളിപ്പറമ്പ് രാജരാജേശ്വരി ക്ഷേത്രത്തിലെ കുളക്കടവിന് സമീപം.

ചിത്രപ്രശ്നം 1

2010-11-08T06:55:00.002+05:30

ഇതൊരു പെൺപൂവാണ്

മലയാളികൾ‌ക്കെല്ലാം നന്നായി അറിയുന്ന ഒരു ചെടിയുടെ പൂവ്

ഏതാണെന്ന് പറയാമോ?

(പേര് പറഞ്ഞാൽ ആൺ‌പൂവിന്റെ ഫോട്ടോ പ്രതീക്ഷിക്കാം)

ഇത് ആൺ‌പൂവ്, എങ്ങനെയുണ്ട്?
ഇപ്പോൾ പിടികിട്ടിയോ?
പൂങ്കുലയും ഇലയും പ്രതീക്ഷിക്കാം, നാളെ, നാളെ,,,

മലയാളികളുടെ ഇഷ്ടഭക്ഷണമായ ഒരു കാലത്ത് കേരളീയരെ തീറ്റിപ്പോറ്റിയ മരച്ചീനിയുടെ പൂവ്.

Tapioca എന്ന് ഇംഗ്ലീഷിലും മരക്കിഴങ്ങ് എന്ന് എന്റെ കണ്ണൂരിലും പറയുന്ന ഈ സസ്യത്തിന് മരച്ചീനി, കപ്പ എന്നിവ കൂടാതെ മറ്റൊരു പേരും കൂടിയുണ്ട്. (അത് ഞാൻ പറയില്ല)

മണ്ണിനടിയിലെ കിഴങ്ങ് കാണാറുണ്ടെങ്കിലും മണ്ണിനുമുകളിലെ പൂവ് അധികമാരും ശ്രദ്ധിച്ചിട്ടുണ്ടാവില്ല.

പൂവിന്റെ പേര് പറഞ്ഞവർക്കെല്ലാം നന്ദി.

സഞ്ചാരികളെയും പ്രതീക്ഷിച്ച്

2010-11-04T07:33:00.000+05:30

ഏകാന്തത ഇഷ്ടപ്പെടുന്ന വിദേശ സഞ്ചാരികളെയും പ്രതീക്ഷിച്ച് ഗ്രാമത്തിലെ കടൽ‌തീരത്തൊരു കൊച്ചുവീട്.

വീടിന്റെ വാതിൽ തുറന്നാൽ കാണുന്നത് അറബിക്കടലാണ്. ഫോട്ടോ എടുത്തത് കടൽതീരത്തു വെച്ചാണ്.

kannur, kizhunna

ആലീന്ത് അഥവാ ഈന്താല്

2010-10-31T07:02:00.001+05:30

ഇതാണ് ആലീന്ത്, പിന്നെ ഈന്താല് എന്ന് പറഞ്ഞാലും തെറ്റില്ല,

ഈന്തിനു മുകളിൽ ആല് മുളച്ചതോ? ആലിന്റെ മുകളിൽ ഈന്ത് മുളച്ചതോ? അതല്ല രണ്ടും ഒന്നിച്ച് വളർന്ന് ഒന്നായ്ച്ചേർന്നതോ?
പിന്നെ ചുവട്ടിലെ ആ ചെരിപ്പുകൾ അമ്പലത്തിനകത്ത് പോയവർ അഴിച്ചു വെച്ചതാണ്.

അരയാലും ഈന്ത് മരവും ഒന്നിച്ച്‌ ഒന്നായിചേർന്ന് കണ്ടെത്തിയത് കണ്ണുർ ജില്ലയിലെ മക്രേരി അമ്പലത്തിന്റെ പ്രവേശനകവാടത്തിനു മുന്നിലാണ്. അതി പുരാതനമായതും ഐതീഹ്യങ്ങൾ കൂടിച്ചേർന്നതുമായ മക്രേരി അമ്പലം പെരളശ്ശേരി അമ്പലവുമായി ബന്ധപ്പെട്ടിരിക്കുന്നു. പുനർനിർമ്മാണം നടന്നുകൊണ്ടിരിക്കുന്ന അമ്പലത്തിന്റെ ദൃശ്യം പിന്നിലായിക്കാണാം.
ആലിന്റെയും ഈന്തിന്റെയും കൂടെ ഒരു ചന്ദനവും കൂടിച്ചേരാനായി വളരുന്നുണ്ട്.

ആലീന്തിന്റെ കൂടെ പൂങ്കുലയുമായി ചേർന്നിരിക്കുന്ന ഈന്ത് ആൺ‌സസ്യമാണ്,
ഈന്തിനെകുറിച്ച് കൂടുതൽ കാര്യങ്ങൾ ഇവിടെ കാണാം.

ഇത്തിരി ദൂരം ഈ വഴി നടക്കാം

2010-10-28T06:59:00.001+05:30

നെൽ‌കൃഷി വാഴക്കും മരച്ചീനിക്കും വഴിമാറിക്കൊടുത്തപ്പോൾ

അറിയുമോ ഈ ചെടികളെ?

2010-10-24T07:08:00.000+05:30

ഇതുപോലുള്ള സ്ഥലം മുൻപ് കണ്ടിട്ടുണ്ടോ?

അടുത്ത് പോയി നോക്കാം; ഈ ചെടികളെ പരിചയമുണ്ടോ?

ഇതാണ് നെൽ‌ച്ചെടികൾ, അവയെല്ലാം വയലിൽ വളരുന്നു

കുറച്ചു ദിവസം കഴിഞ്ഞാൽ ഈ നെൽച്ചെടി പൂവിട്ട് കായ്ക്കും; അങ്ങനെയുള്ള നെല്ലിൻകുലകൾ ഈ ഫോട്ടോയിൽ കാണാം

ഇതാണ് നെല്ലിന്റെ കായ; നെന്മണികൾ. ഇതിന്റെ ഉള്ളിലുള്ള വിത്തിനെ ‘അരി’ എന്ന് മലയാളികൾ പറയും. അരി വേവിച്ച് ചോറ് ആക്കിയത് ദിവസവും തിന്നുന്നത്‌കൊണ്ടാണ് നമ്മൾ മലയാളികൾ ഇപ്പോഴും ജീവനോടെയുള്ളത്.

സാഗരം സാക്ഷി

2010-10-20T07:12:00.000+05:30

വസന്തം വന്നാൽ ഒരിക്കൽക്കൂടി തളിർക്കുമോ?

കടൽഭിത്തിയിൽ വളർന്ന കുറ്റിച്ചെടി ഉണങ്ങിയപ്പോൾ... കിഴുന്ന, കണ്ണൂർ.

മഞ്ഞിൽ വിരിഞ്ഞ പൂവ്

2010-10-17T18:00:00.000+05:30

മഞ്ഞണിഞ്ഞ പ്രഭാതത്തിൽ മഞ്ഞപൂമ്പോടിയുമായി

കുടുംബം നമുക്ക് ശ്രീകോവിൽ

2010-10-13T07:43:00.000+05:30

“എടീ നീയാ പിള്ളേരെ മര്യാദക്ക് നോക്ക്, കണ്ണുതെറ്റിയാൽ കാക്കയും പരുന്തും വന്ന് അടിച്ച്‌മാറ്റും”
“മുട്ടയിട്ടതും അടയിരുന്നതും ഞാനാ, അപ്പോൾ പോറ്റാനും എനിക്കറിയാം”

“ഇവളോട് പറഞ്ഞിട്ട് കാര്യമൊന്നുമില്ല, ഞാനൊന്ന് പരിസരം നിരീക്ഷിക്കട്ടെ; ... കൊക്കരെ ക്കോ”