രാമനാമപച്ച

ഇത് തൊഴുകണ്ണി

    Name     : Desmodium gyrans

Family :      Fabaceae

കർക്കിടകമാസം രാമായണമാസം കൂടിയാണ്; രാമ നാമജപത്തിന്റെ മാസം. ജീവിച്ചിരിക്കുന്ന കാലം മുഴുവൻ രാമനാമം ജപിക്കുന്ന ഒരു ചെടി ഇവിടെയുണ്ട്; രാമനാമപച്ച. ഈ സസ്യം വീട്ടുപറമ്പിൽ ഉണ്ടെങ്കിൽ ഈശ്വരചൈതന്യം വർദ്ധിക്കുമെന്നും കണ്ണേറ്, കരിനാക്ക് എന്നിവ തടയുമെന്നും പറയപ്പെടുന്നു.

 ഒരു മീറ്റർ വരെ ഉയരത്തിൽ ശാഖകളായി വളരുന്ന സസ്യമാണ് രാമനാമപച്ച എന്ന് വിളിക്കുന്ന തൊഴുകണ്ണി

ഈ സസ്യത്തിന്റെ ഇലകളിൽ(leaflet) ഒന്ന് വലുതും മറ്റു രണ്ടെണ്ണം ചെറുതുമാണ്. ചെറിയ അഭിമുഖമായി കാണുന്ന പത്രകങ്ങൾ രണ്ടും വളരെ പതുക്കെ കൈകൂപ്പുന്നതും വിടരുന്നതും ചെയ്യുന്ന രീതിയിൽ പകൽ‌നേരത്ത് എപ്പോഴും ചലിച്ചുകൊണ്ടിരിക്കും. 

വെയിലിന്റെ ചൂട് കൂടിയാൽ ഇലയുടെ ചലനവേഗത കൂടിയിരിക്കും.

 വീട്ടുമുറ്റത്തെ ചെടിച്ചട്ടിയിലും മറ്റു ചെടികൾക്കിടയിലും വളരാറുണ്ട്. വിത്ത് മുളച്ചാണ് പുതിയ സസ്യം വളരുന്നത്.

ചെടിയെ ‘ഒരുമിനിട്ട്’ ശ്രദ്ധിച്ചാൽ ചലനം വ്യക്തമായി കാണാം. ചെടി കൈകൂപ്പി രാമനാമം ജപിക്കുകയാണെന്ന് പറയാം. വീട്ടുകാർക്ക് നേരെ പ്രയോഗിക്കുന്ന കണ്ണേറ് തൊഴുകണ്ണിക്ക് പറ്റുമെന്നും അങ്ങനെ പെട്ടെന്ന് ചെടി ഉണങ്ങാറുണ്ടെന്നും പറയുന്നു.

തൊഴുകണ്ണിയുടെ വേരു് സിദ്ധവൈദ്യത്തിൽ വിഷചികിത്സയ്ക്കു് ഉപയോഗിക്കാറുണ്ടു്. പാമ്പിൻവിഷത്തെ ഇതു് ഫലപ്രദമായി പ്രതിരോധിക്കാറുണ്ടു്. മുറിവും ചതവും ഭേദമാക്കാൻ ഇതിന്റെ വേരു് അരച്ചെടുത്തു് ഉപയോഗിക്കാറുണ്ടു്.

രാത്രിയായാൽ ഇലകളെല്ലാം ഒന്നിച്ച് കൂമ്പി താഴ്ന്നിരിക്കും.