ചെങ്കണ്ണി തിത്തിരി : Red-wattled lapwing

   Name : Vanellus indicus

Family : Charadridae

       കുട്ടിക്കാലം മുതൽ കാണാറുള്ള പക്ഷിയാണ്. സ്ക്കൂളിൽ പോകുമ്പോൾ സമീപത്തുകൂടി ഓടിക്കളിക്കുന്ന ഇക്കൂട്ടരെ നോക്കാനും മനസ്സിലാക്കാനും ക്യാമറയിൽ പകർത്താനും കഴിഞ്ഞില്ല. ഒടുവിൽ പക്ഷികളെ അറിയാൻ ശ്രമിച്ചപ്പോൾ അവയെല്ലാം വംശനാശത്തിന്റെ വക്കിലാണ്. ഇനിയങ്ങോട്ട് കാണുന്നിടത്തുനിന്നും പടം പിടിച്ച് വിക്കിയിലും ബ്ലോഗിലും പോസ്റ്റ് ചെയ്യട്ടെ.

അണ്ണാറക്കണ്ണാ വാ,,

വീട്ടിനുള്ളിലാണ് കൂടുതൽ സുരക്ഷിതം

കൊക്കിലൊതുങ്ങാത്ത ന്യൂ ജൻ കൊക്കുകൾ

പറന്നുവന്ന് ഇറങ്ങി

വയലെല്ലാം പോയി, ഇനി വീട്ടിനടുത്ത് മതിലിൽ ഇരിക്കാം

‘നന്നായിട്ട് എടുക്കണം’ പിന്നെ ബ്ലോഗിലും ഫെയ്സ്‌ബുക്കിലും ഇടണം, കേട്ടോ,,,

ഇനി ഇവളുടെ മുകളിലാവട്ടെ, പീഡിപ്പിക്കുകയല്ല, കേട്ടോ,,

ഇപ്പോൾ എങ്ങനെയുണ്ട്? ഇതാണ് മൂന്നാം കൊമ്പ്,,

അതാരാ വേറൊരുത്തൻ വരുന്നത്?

എന്റെ പിന്നാലെ വരിക,, 

പണ്ട് കാലികളുടെ പിന്നാലെ,, ഇപ്പോൾ ജെ.സി.ബി. ആയാലും ഞങ്ങൾക്ക് ഇരകിട്ടിയാൽ മതി

കിട്ടുന്നത്തൊക്കെ തിന്നണം,, വയലൊക്കെ പോയെങ്കിലും പട്ടിണികിടക്കാൻ പറ്റുമോ?

മുന്ന് കൊമ്പുള്ള പശു

മൂന്നാമത്തെ കൊമ്പ്

ഉറക്കം

ഉറക്കം വരുന്നൊരു നേരത്ത് 

ക്യാമറയുമായി വരുന്നതാരാണ്?

കല്ലിൽ കൊത്തിയ തവള

കിണറ്റിലെ തവള

അവസാനത്തെ വിരുന്നുകാരി

ആയിരക്കണക്കിന് ഫോട്ടോകൾ എടുത്ത എന്റെ സ്വന്തം ക്യാമറ തകരാറിലായി. റിപ്പയർ ചെയ്യാൻ കൊടുത്തപ്പോൾ പറയുന്നു, ‘മൂവായിരം രൂപയോളം വരും, പുതിയ ഒന്ന് വാങ്ങുന്നതാണ് നല്ലത്’ എന്ന്. അങ്ങനെ ക്യാമറയുടെ അവസാന ദിനങ്ങളിൽ എടുത്ത ഫോട്ടോകളിൽ ഒന്ന്, ‘നിശാശലഭം’.

കരിമഷിപോലെ കറുപ്പൻ തേൻ‌കിളി

വീടിന്റെ വരാന്തയിൽ തൂക്കിയിട്ട കമ്പിയിൽ കൂട് കൂട്ടാനായി വന്ന കറുപ്പൻ തേൻ‌കിളി. 

തവളകൾക്കായി ഒരു ദിവസം

ഒരുകാലത്ത് കണ്ണൂർ ശ്രീ നാരായണ കോളേജിലെ സുവോളജി ലാബിലെ മേശപ്പുറത്തുള്ള പലകയിൽ മലർത്തികിടത്തിയിട്ട് തലക്കും കൈകൾക്കും കാലുകൾക്കും ആണിയറ്റിച്ചുകയറ്റി തറപ്പിച്ചശേഷം എന്റെ കൈയാൽ മരണത്തിനിടയാക്കിയ എല്ലാ തവളകളുടേയും നിത്യശാന്തിക്കായി ഞാൻ ഷൂട്ട് ചെയ്ത കൊച്ചുതവളയുടെ ചിത്രം സമർപ്പിക്കുന്നു.
 ഏപ്രിൽ 27  തവള സംരക്ഷണ ദിനം.

എന്റെ തവളകളുടെ ചരിത്രം വായിക്കാം

മതമുള്ള ഞണ്ടുകൾ

ഇത് കർത്താവിന്റെ വഴിയെ പോകുന്നത്,,  മുതുകിലൊരു കുരിശ്

ഇത് ദൈവത്തിന്റെ ഞണ്ട്,, രണ്ടല്ല, മൂന്നാമതൊരു കണ്ണുകൂടി,, മുക്കണ്ണൻ

മറ്റു മതവിശ്വാസികളുടെ ഞണ്ടുകൾക്കായി നോക്കിയപ്പോൾ,, കിട്ടിയത്, മതമില്ലാത്ത ഞണ്ട്

ഒടുവിൽ മതമുള്ളവനേയും മതമില്ലാത്തവനേയും ഒന്നിച്ച് കറിവെച്ച് കഴിച്ചു,,,

ഉടുമ്പ്

ദെ, വന്നു,,, വീടിന്റെ കിണറ്റിനരികിൽ

ദാ, പോകുന്നു,,, ആരും കാണുന്നില്ലെന്ന് വിചാരിച്ചു വന്നതാ, അപ്പൊഴാ ഒരു ക്യാമറ!

പേറ്റുനോവ്

ശ്ശ് ശ്,,, ശല്ല്യപ്പെടുത്തരുത്,, 

പരിശോധന

കൊമ്പും കയറും വടിയുമായ് വന്നു,,, ഇനി ഇവിടമൊന്ന് പരിശോധിക്കട്ടെ,

ഇനിയെത്ര നാൾ

വില കൂടിയാലും കുറഞ്ഞാലും,,,,

അശോകമരത്തിൽ ഉറങ്ങുന്നവൾ

അശോക മരത്തിൽ ഉറങ്ങുന്ന ബുൾബുൾ,, 

ബന്ധുരകാഞ്ചനക്കൂട്ടിലാണെങ്കിലും

എന്നെയെന്തിനിങ്ങനെ കഷ്ടപ്പെടുത്തുന്നു?

പൂന്തത്ത

പാത്തുമ്മയുടെ പൂച്ച

അടുത്ത വീട്ടിലെ കുഞ്ഞിപാത്തുമ്മയുടെ പൂച്ചയാണ്,

മഞ്ചാടി മോഷ്ടാവ്?

വെറും രണ്ട് മഞ്ചാടിക്കുരുമാത്രം ഞാനെടുത്തിട്ടുണ്ട്, കേട്ടോ,,,

ഷോക്കടിക്കുമോ?

ഞാൻ കരണ്ടു തിന്നുന്ന ജീവിയല്ല, കേട്ടോ,,

വംശഹത്യയുടെ ബാക്കിപത്രം

വീടിനു സമീപമുള്ള മരത്തിന്റെ ഉയരമുള്ള ശാഖയിൽ കടന്നലുകൾ കോളനി സ്ഥാപിച്ച് താമസം തുടങ്ങിയത് ആദ്യമായി കണ്ടത് തേങ്ങ പറിക്കാൻ വന്ന രാജീവനാണ്. അത്‌കേട്ട് മേലോട്ട് നോക്കിയപ്പോൾ പച്ചിലകൾക്കിടയിൽ കൂടിന്റെ വെള്ളനിറം കാണാനായി. വണ്ടിന്റെ രൂപമുള്ള മിസൈലുകൾ‌ ആകാശത്തുകൂടി പറന്നുവന്ന് കൂട്ടിനകത്ത് കടക്കുന്നതും വെളിയിലേക്ക് പോവുകയും ചെയ്യുന്നത് കടന്നലുകളാണെന്ന് രാജീവൻ ഉറപ്പിച്ചുപറഞ്ഞു. അതോടെ പരിസരവാസികൾക്കെല്ലാം ഭയമാവാൻ തുടങ്ങി, കാരണം കടന്നൽ‌കുത്തേറ്റ് മരണമടഞ്ഞതും ആശുപത്രിയിലായതുമായ വാർത്തകൾ പത്രത്തിൽ നിത്യേനയെന്നോണം കാണാറുണ്ട്.

കടന്നൽ കോളനി ഒറ്റയടിക്ക് നശിപ്പിക്കാനുള്ള മാർഗങ്ങൾ യുവാക്കളൊഴികെയുള്ള നാട്ടുകാർ ചിന്തിക്കാൻ തുടങ്ങി. (എന്റെ നാട്ടിലെ യുവാക്കൾക്ക് അതൊന്നും ചിന്തിക്കാനുള്ള നേരമില്ല, നേരമുള്ളപ്പോൾ ബോധമില്ല)

കടന്നൽ വന്യജീവിയല്ലെ? എനിക്കൊരു സംശയം; നേരെ ഫോൺ കറക്കി,,, ബോൺസായിയുടെ ഉടമ, ബ്ലോഗർ ചോപ്രയെ,,, ഏത് വന്യജീവിയെക്കണ്ടാലും വിളിക്കണം എന്ന് പറഞ്ഞ് നമ്മുടെ ചോപ്രാജി ഫോൺ‌നമ്പർ തന്നതാണ്. അങ്ങനെ വിളിച്ചപ്പോൾ ചോപ്രാജി പറയുന്നു, ‘കടന്നൽ വന്യജീവിയല്ല, അതിനെ കൊല്ലുന്ന കാര്യം കൂടുതൽ അറിയാൻ ഹെഡ്‌ഓഫീസിലേക്ക് വിളിക്കാൻ’.

അടുത്ത കോൾ ഹെഡ്‌ഓഫീസിലേക്ക്,,, അതാ വരുന്നു മറുപടി, ‘ഇതൊന്നും നമ്മുടെ കാര്യമല്ല, നിങ്ങളുടെ ഇഷ്ടം പോലെ പിടിച്ച്‌കൊല്ലുകയോ തീവെച്ച്‌കൊല്ലുകയോ ചെയ്‌തോളൂ,, നമ്മൾ കൊഴപ്പത്തിനും കേസിനുമൊന്നും വരില്ല’. 

അങ്ങനെ ആ രാത്രി വന്നു,,, ഇരുട്ടുള്ള ആ രാത്രി. നിർത്തിയിട്ട വാഹനത്തിൽ നിന്നും പെട്രോൾ ഊറ്റിയെടുത്തത് അതിൽ മുക്കിയ തെങ്ങോലകൾ വലിയ മുളയുടെ അറ്റത്ത് കെട്ടി. ആ കെട്ടിന്റെ തുടർച്ചയായ കയർ പെട്രോളിൽ കുതിർത്ത് മുളയുടെ താഴെയറ്റം വരെ എത്തിച്ചു.

നമ്മുടെ കടന്നൽ കോളനിയിലെ  റാണിയും രാജാവും തൊഴിലാളികളും പട്ടാളക്കാരു സുഖമായി ഉറങ്ങുന്ന ആ രാത്രി അത് സംഭവിച്ചു. ഏതാനും മനുഷ്യന്മാർ ചേർന്ന് മുള ഉയർത്തിയപ്പോൾ താഴ്ന്ന് കിടക്കുന്ന കയറിന്റെ അറ്റത്ത് തീക്കൊളുത്തി. തീ കയറിലൂടെ മേലോട്ടുയർന്ന് പെട്രോൾ മുക്കിയ ഓല ജ്വലിച്ച് കത്തി,,, 

കടന്നൽ കോളനി പൂർണ്ണമായി കത്തിനശിച്ചു. പൾപ് കൊണ്ട് നിർമ്മിച്ച കൂടിന്റെ അവശിഷ്ടം ഏതാനും ദിവസത്തിനുശേഷം മരത്തിൽ‌നിന്നും താഴെ വീണപ്പോൾ ഫോട്ടോ എടുക്കാൻ കഴിഞ്ഞു. 

തട്ടു തട്ടുകളായി നിർമ്മിച്ച ഈ കൂട്ടിൽ ഒരിക്കൽ അനേകം കടന്നലുകൾ താമസിച്ചിരുന്നു. 

ശില്പചാരുത കലർത്തി പടുത്തുയർത്തിയ കടന്നൽ‌കൂടിന്റെ ഓരോ അറയിലും ഒരുകാലത്ത് ജീവചൈതന്യം തുളുമ്പിയിരുന്നു.