ധൃതരാഷ്ട്രാലിംഗനവുമായി,,,, Mikania micrantha
-->
-->അതിവേഗത്തിൽ വളരാൻ കഴിവുള്ള തെക്കെ അമേരിക്കക്കാരൻ മാരകമായ കളസസ്യമാണ്, കമ്മ്യൂണിസ്റ്റ് പച്ചയുടെ കുടുംബത്തിൽ ഉൾപ്പെട്ട ഈ ചെടിക്ക് വിത്തുകളുടെ എണ്ണം വളരെ കൂടുതലാണ്. മറ്റു ചെടികളിൽ (വൃക്ഷങ്ങളിലും) ചുറ്റിപടർന്ന് വളരുന്ന ദൃതരാഷ്ട്രപ്പച്ചയുടെ ശരീരത്തിൽ നിന്നും വരുന്ന രാസഘടകങ്ങളുടെ സഹായത്താൽ ഒടുവിൽ ചുറ്റിവളർന്ന ചെടിയുടെ വളർച്ച മുരടിച്ച് നശിക്കാൻ ഇടയാക്കുന്നു; ശരിക്കും ഒരു ദൃതരാഷ്ട്രാലിംഗനം.
-->വിപരീതക്രമത്തിലുള്ള ഹൃദയാകൃതിയുള്ള ഇലകൾക്ക് തിളങ്ങുന്ന പച്ചനിറമാണ്. വെള്ളനിറമുള്ള പൂക്കൾ കുലകളായി കാണപ്പെടുന്നു. ഏതാനും വർഷം മുൻപ് തെക്കൻ കേരളത്തിൽ മാത്രം കാണപ്പെട്ട ഈ കളസസ്യം ഇപ്പോൾ കണ്ണൂർ ജില്ലയിലെ കൃഷി ചെയ്യുന്നതും കൃഷി ചെയ്യാത്തതുമായ വയലുകളിലും മനുഷ്യർ ശ്രദ്ധിക്കാത്ത പറമ്പുകളും കൈയ്യടക്കി വാഴ്ച തുടരുകയാണ്.
Name : Mikania micrantha
Family : Asteraceae
ധാരാളം പൂക്കൾ കുലകളായി ഉണ്ടാവുന്നു വെള്ള നിറമുള്ള അനേകം പൂക്കൾ കുലകളായി ഉണ്ടാവുന്നു. വഴിയോരങ്ങളിലെ ചെടികളിലും വൃക്ഷങ്ങളിലും ചുറ്റിക്കയറുന്നു. ഒടുവിൽ ഒരു കൊലപാതകം നടക്കുന്നു, ‘വാഴക്കൊലപാതകം’ |